නවතම දත්ත අනුව New Zealand තුළ ජනතාව ලක්ෂ 2කට ආසන්න සංඛ්යාවක් ‘දිගු කාලීන කොවිඩ්’ (Long Covid) තත්ත්වයෙන් පීඩා විඳින බව හෙළිවී තිබේ. මෙය කොවිඩ්-19 ආසාදනයෙන් පසුව මාස 3කට වඩා දිගු කාලයක් රෝග ලක්ෂණ පවතින තත්ත්වයක් වන අතර, මේ ගැන රජයේ පැහැදිලි ජාතික සැලැස්මක් නොමැති වීම පිළිබඳ දැඩි ප්රශ්න මතුවෙමින් පවතී.
New Zealand Ministry of Health දත්ත අනුව, පසුගිය වසර තුළ සාමාන්ය වශයෙන් 185,000ක් පමණ මෙම රෝග ලක්ෂණ අත්විඳ ඇති බව සඳහන් වේ. මෙම තත්ත්වයේදී ඇතිවන ලක්ෂණ අතර අධික දුර්වලවීම්, හුස්ම ගැනීමේ අපහසුතා, මතකය හා අවධානය අඩුවීම වැනි ගැටලු ඇතුළත් වේ.මෙය සාමාන්ය රෝගයක් නොව, දිගුකාලීනව ජීවිතයට බලපාන සෞඛ්ය ගැටළුවක් බව විශේෂඥයින් පෙන්වා දෙති.
මෙතරම් විශාල ජනසංඛ්යාවක් පීඩාවට පත්ව සිටියත්, ‘long covid’ සඳහා නිශ්චිත ජාතික ප්රතිකාර සැලැස්මක් හෝ සහාය ක්රමයක් තවමත් පැහැදිලිව නොමැති බවට විවේචන එල්ල වෙයි. රෝගීන් සඳහා නිසි ප්රතිකාර, නිරෝධායන සේවා සහ දීර්ඝකාලීන සහාය ලබාදීම කෙරෙහි වැඩි අවධානයක් අවශ්ය බව වෛද්යවරුන් සහ සෞඛ්ය විශේෂඥයින් අවධාරණය කරති.
‘Long covid’ හේතුවෙන් බොහෝ පුද්ගලයින්ට සම්පූර්ණ ලෙස වැඩට යාමට නොහැකිවීම, දෛනික කාර්යයන් කළ නොහැකි වීම වැනි ගැටලු ඇතිවී තිබේ. මෙය පවුල් ආදායමට පමණක් නොව, සමස්ත ආර්ථිකයටද බලපාන තත්ත්වයක් බව පර්යේෂණ පෙන්වා දෙයි. ජනතාවගේ සෞඛ්යය සහ ජීවන ගුණාත්මකභාවය ආරක්ෂා කිරීම සඳහා තවත් ක්රියාමාර්ග දැඩි කළ යුතු බව මෙමගින් අවධාරණය කරයි.
0 Comments