​”මේ රැකියාව මාව හප කරලා කනවා” – නවසීලන්තයේ හිල්මෝර්ටන් රෝහලෙන් ඇසෙන බියකරු දෝංකාර හඬ! 🏥💔

​නවසීලන්තයේ Christchurch හි පිහිටි හිල්මෝර්ටන් මානසික රෝහලේ සේවය කරන හෙදියන් සහ කාර්ය මණ්ඩලය අතිශය භයානක සහ පීඩාකාරී තත්ත්වයකට මුහුණ දී සිටින බව අලුත්ම වාර්තාවලින් හෙළි වේ. 🇳🇿⚠️

මොනවද මේ හඬවල්?
🔺​රෝහල ඇතුළේ මීයන්.
රෝහල් පරිශ්‍රය පුරා මීයන්, පත්තෑයන් සහ කුහුඹුවන් බෝ වී ඇති අතර, මුත්‍රා ගඳින් පිරුණු කාපට් සහ පඩිපෙළවල් පවතින බව සේවකයින් පවසයි. 🐭🐜

🔺​අඩු සේවක පිරිස.
දැඩි සේවක හිඟය නිසා එක් වාට්ටුවක සේවකයින් තවත් වාට්ටුවකට මාරු කරමින් (Redeployment) වැඩ ගැනීමට සිදුවීමෙන් සේවකයින් දැඩි මානසික ආතතියට පත්ව ඇත.

🔺​අබලන් පහසුකම්.
අගුළු නොවැටෙන දොරවල්, ක්‍රියා විරහිත කැමරා සහ දෝෂ සහිත අනතුරු ඇඟවීමේ පද්ධති (Alarms) නිසා සේවකයින් මෙන්ම රෝගීන් ද අනතුරේ!

🔺​බිය සහ සැකය.
පවතින අඩුපාඩු ගැන කතා කළහොත් පාලනාධිකාරියෙන් පළිගැනීම් සිදුවේ යැයි සේවකයින් 50%ක් පමණ බියෙන් පසුවෙති.

​📉 සෞඛ්‍යයට බලපෑම්.

සමීක්ෂණයට එක් වූ සේවකයින්ගෙන් 87%ක් ප්‍රකාශ කළේ මෙම සේවා පරිසරය තම මානසික සෞඛ්‍යයට සෘජුවම බලපාන බවයි. තුනෙන් එකක් දැනටමත් ‘Burnout’ හෙවත් දැඩි මානසික විඩාවෙන් පීඩා විඳිති. 😰

​📢 සේවකයින්ගේ ඉල්ලීම.

“අපි රෝගීන්ට ප්‍රතිකාර කරනවා වෙනුවට ඔවුන්ව කොටු කරගෙන ඉන්නවා වගේ දැනෙන්නේ,” යැයි එක් හෙදියක් වේදනාවෙන් පවසා සිටියි. වහාම ආරක්ෂිත සේවක මට්ටම් පවත්වා ගැනීමටත්, පහසුකම් පිළිසකර කිරීමටත් සෞඛ්‍ය බලධාරීන් මැදිහත් විය යුතු බව ඔවුන් අවධාරණය කරයි.

​Health NZ බලධාරීන් මේ පිළිබඳව සොයා බැලීමට රෝහලේ නිරීක්ෂණ චාරිකාවක යෙදීමට නියමිතයි. 🧐📝