නවසීලන්ත ඡන්දයේ අවසන් දිනයේ උණුසුම් තොරතුරු!

නවසීලන්තයේ වර්තමාන අගමැති ක්‍රිස්ටෝෆර් ලක්සන් ප්‍රමුඛ ආණ්ඩුව සහ ක්‍රිස් හිප්කින්ස්ගේ නායකත්වයෙන් යුත් ලේබර් පක්ෂය ප්‍රමුඛ විපක්ෂය අතර කරට කර සටනක් නිර්මාණය කරමින් මෙටට මහ මැතිවරණය ආරම්භ වී තිබේ.

දේශපාලන විචාරකයින් සහ නවසීලන්තයේ දේශපාලනඥයින් විසින් මෑත කාලයේ පැවැත්වුණු වඩාත්ම අවිනිශ්චිත සහ උණුසුම්ම මැතිවරණය ලෙස මෙය හඳුන්වනු ලබන අතර, මෙවර ප්‍රතිඵලය තීරණය කිරීමේදී මෙරට මිශ්‍ර සමානුපාතික (MMP) ඡන්ද ක්‍රමය යටතේ ක්‍රියාත්මක වන උපායමාර්ගික ඡන්ද භාවිතය (tactical voting) තීරණාත්මක සාධකයක් වනු ඇත.

විශේෂයෙන්ම පාර්ලිමේන්තු ආසන සංඛ්‍යාව වෙනස් විය හැකි ‘අතිරික්ත ආසන’ රීතිය උපරිමයෙන් භාවිත කිරීමට දේශපාලන පක්ෂ උත්සාහ කරන අතර, මාඕරි ආසනවල බලය අත්පත් කරගනිමින් ටෙ පාරිටි මාඕරි (Te Pāti Māori) පක්ෂය මෙන්ම, ජාතික පක්ෂය (National Party), ඇක්ට් (ACT) සහ නිව්සීලන්ඩ් ෆස්ට් (NZ First) යන පක්ෂද ඡන්දදායකයින් ලවා උපායමාර්ගිකව ඡන්දය ප්‍රකාශ කරවීමට කටයුතු කරමින් සිටියි.

ඊට අමතරව, මෙවර මැතිවරණයේදී ඔපෝචූනිටි පක්ෂය (Opportunity Party) සියයට 5 ක අවම ඡන්ද ප්‍රතිශතය පසුකරමින් පාර්ලිමේන්තුවට තේරී පත්වීමට වැඩි ඉඩක් පවතින අතර, ප්‍රධාන පක්ෂ දෙකෙහිම ඡන්ද පදනම පහත වැටීමේ ප්‍රවණතාව හමුවේ සුළු පක්ෂවල එකතුව ආණ්ඩු පිහිටුවීමේදී තීරණාත්මක වනු ඇත. කෙසේ වෙතත්, මැතිවරණ රාත්‍රියේ නිකුත් වන ප්‍රතිඵල තාවකාලික වන අතර, විශේෂ ඡන්ද සිය දහස් ගණනක් ගණන් කර අවසන් වීමට ඉදිරි සති කිහිපයක කාලයක් ගත වන බැවින් සහ සන්ධාන ආණ්ඩු සාකච්ඡා සති ගණනාවක් ඇදී යා හැකි බැවින් අවසාන තීන්දුව දැනගැනීමට සරත් සමය තෙක් බලා සිටීමට සිදුවනු ඇත.