නවසීලන්ත සෞඛ්‍ය ක්ෂේත්‍රයේ අර්බුදය දිගටම — හෙදියන් හා ජ්‍යෙෂ්ඨ වෛද්‍යවරුන්ගේ සාකච්ඡා දෙවන වසරටත්!

නවසීලන්තයේ රෝහල් පද්ධතිය අකර්මණ්‍ය කරමින්, හෙදියන් සහ ජ්‍යෙෂ්ඨ වෛද්‍යවරුන්ගේ වැටුප් සහ සේවා කොන්දේසි පිළිබඳ සාකච්ඡා දෙවන වසරටත් ඇදෙමින් පවතී.

ආරම්භය කොහොමද?

ජ්‍යෙෂ්ඨ වෛද්‍යවරුන් නියෝජනය කරන Association of Salaried Medical Specialists (ASMS) සමඟ ගිවිසුම 2024 අගෝස්තු මාසයේදී කල් ඉකුත් විය.

හෙදියන් නියෝජනය කරන New Zealand Nurses Organisation (NZNO) සමඟ සාකච්ඡා 2024 සැප්තැම්බර් මාසයේදී ආරම්භ විය.

ඒත් අද 2026ට පැමිණි විටත්, අවසන් එකඟතාවයක් ලැබී නැත.

ප්‍රධාන ගැටලුව — වැටුප් සහ වැඩි වැඩ.

සෞඛ්‍ය අංශය පාලනය කරන Health New Zealand පසුගිය වසරේ කිහිප වරක් වැටුප් යෝජනා ඉදිරිපත් කළත්, ඒවා සියල්ලම සංගම් විසින් ප්‍රතික්ෂේප කර ඇත.

සංගම් පවසන්නේ, වර්තමාන ජීවන වියදම් සහ වැඩබරට අනුව එම යෝජනා ප්‍රමාණවත් නොවන බවයි.

වර්ජන සහ නීතිමය පියවර

පසුගිය වසර පුරාවටම වර්ජන ක්‍රියාමාර්ග කිහිපයක් සිදු විය.

Employment Relations Authority වෙත මැදිහත්වීමක් ඉල්ලා තිබුණත්, එය ප්‍රතික්ෂේප විය.

රෝහල් පද්ධතියට බලපෑම

මෙම දිගුකාලීන සාකච්ඡා හේතුවෙන්,

කාර්ය මණ්ඩල හිඟය,

වැඩබර වැඩිවීම,

රෝගී සේවාවන් ප්‍රමාද වීම

වැනි ගැටලු තවදුරටත් දැඩි වෙමින් පවතී.

ඉදිරියට කුමක් වෙයිද?

රජය පවසන්නේ, “සාකච්ඡා සුහදව ඉදිරියට ගෙන යාමට ඔවුන් කැපවී සිටිනවා” යන්නයි.

එහෙත්, සංගම් පැවසන්නේ “සාධාරණ ගිවිසුමක්” ලැබෙන තුරු පසුබැසීමක් නොමැති බවයි.

මෙම ගැටලුව 2026 දේශපාලන සහ සමාජ වටපිටාව තුළ ප්‍රධාන විවාදයක් බවට පත්වීමට ඉඩ ඇත.මේ වසරේවත් සෞඛ්‍ය ප්‍රශ්නයට විසදුමක් ලැබේවිද?