ඔක්ලන්ඩ් ගුවන්තොටුපළෙන් ආරම්භ වූ දරුණු වෛරසයක් ගැන අනතුරු ඇඟවීම්.

ආසාදිත පුද්ගලයා Auckland Airport International Terminal හරහා නවසීලන්තයට ඇතුල් වී ඇත.

සෞඛ්‍ය නිලධාරීන් පවසන්නේ පෙබරවාරි 26 රාත්‍රී 7.30 සිට පෙබරවාරි 27 අලුයම 1.00 දක්වා එම ගුවන්තොටුපළේ සිටි පුද්ගලයන්ට රෝගය වැළඳීමේ අවදානමක් ඇති බවයි.

මෙම කාලය තුළ ගුවන්තොටුපළේ සිටි අය “casual contacts” ලෙස සලකා ඔවුන්ට රෝග ලක්ෂණ පිළිබඳ සැලකිල්ලෙන් සිටීමට උපදෙස් ලබා දී තිබේ.

වෙලින්ටන් නගරයේ ස්ථාන කිහිපයක්ද අවදානමට ලක්වෙයි.

ඉන්පසු මෙම සංචාරකයා Wellington නගරයට ගොස්, ජනතාව සමඟ මිශ්‍ර වන ස්ථාන කිහිපයකට පැමිණ තිබේ.

ඒ අතරින් විශේෂයෙන් සඳහන් වන්නේ New Zealand Parliament Buildings වෙත ඇතුළු වී ඇති බවයි.

එම අවස්ථාවේදී එම ස්ථානයේ සිටි පුද්ගලයන්ටද රෝගය පැතිරීමේ අවදානමක් ඇති බව සෞඛ්‍ය බලධාරීන් පෙන්වා දෙයි.

මීසල්ස් (සරම්ප) — ලෝකයේ වේගයෙන්ම පැතිරෙන රෝගවලින් එකක්

මීසල්ස් යනු ඉතාමත් පහසුවෙන් පැතිරෙන වෛරස් රෝගයක් ලෙස හඳුන්වයි.

ආසාදිත පුද්ගලයෙක් කැස්සක් හෝ කිවිසුමක් පිටකිරීමෙන් එම වෛරසය අසල සිටින අයට පහසුවෙන්ම පැතිරිය හැක.

විශේෂයෙන්ම ආරක්ෂිත එන්නත් ලබාගෙන නැති පුද්ගලයන්ට මෙම රෝගය ඉතා වේගයෙන් වැළඳිය හැක.

පෙනෙන ප්‍රධාන රෝග ලක්ෂණ

මීසල්ස් රෝග ලක්ෂණ සාමාන්‍යයෙන් දින 7 – 14 අතර කාලයකින් පසු පෙනෙන්නට පටන් ගනී.

ප්‍රධාන ලක්ෂණ අතරින්:

* උණ (38°C ට වැඩි).

* සෙම්ප්‍රතිශ්‍යාව.

* කැස්ස.

* ඇස් රතු වීම.

* මුහුණෙන් ආරම්භ වී සිරුර පුරා පැතිරෙන රතු පැහැති පැල්ලම්

විශේෂයෙන්, රතු පැල්ලම් පෙනෙන්නට පෙරද මෙම රෝගය අනෙකුත් පුද්ගලයන්ට පැතිරිය හැකි බව වෛද්‍යවරුන් පවසති.

සෞඛ්‍ය අංශ නිකුත්කළ වැදගත් උපදෙස්

සෞඛ්‍ය බලධාරීන් ජනතාවට පවසන්නේ:

* ඔබ එම ස්ථානවල සිටියාදැයි පරීක්ෂා කරන්න

* ඔබට MMR එන්නත් දෙකම ලබාගෙන ඇතිදැයි බලන්න

* රෝග ලක්ෂණ පෙනුනහොත් වෛද්‍යවරයෙකු වෙත යොමුවීමට පෙර දුරකථනයෙන් සම්බන්ධ වන්න

එසේ නොමැතිව සෘජුවම රෝහල් වෙත යෑමෙන් වෛරසය තවත් අයට පැතිරීමේ අවදානම ඇති බවද ඔවුන් අවධාරණය කරයි.

නැවතත් සැලකිල්ලෙන් සිටීමට සිදු වූ නවසීලන්තය.

පසුගිය කාලයේ මීසල්ස් රෝගය පාලනය කිරීමට විශාල උත්සාහයක් දැරූ New Zealand රටට මෙය කණගාටුදායක පුවතක් බව සෞඛ්‍ය විශේෂඥයන් පවසති.

විදේශ සංචාර වැඩිවීමත් සමඟ මෙවැනි රෝග නැවත රට තුළට ඇතුල් වීමේ අවදානම ඉහළ යන බවද ඔවුන් පවසති.

මේ නිසා සෞඛ්‍ය බලධාරීන් ජනතාවගෙන් ඉල්ලා සිටින්නේ.. � “ඔබත්, ඔබේ පවුලත් ආරක්ෂා කරගන්න. රෝග ලක්ෂණ පෙනුනහොත් එය නොසඟවා වහාම වෛද්‍ය උපදෙස් ලබාගන්න.”

මීසල් වෛරසය නොදැනුවත්ව පැතිරෙන රෝගයක් බැවින්, එක් පුද්ගලයෙකුගේ නොසැලකිල්ල සම්පූර්ණ ප්‍රජාවක්ම අවදානමට ලක් කළ හැක.

අවදානයෙන් සිටින්න. සැලකිලිමත් වන්න. නියමිත් උපදෙස් පිළිපදින්න.