නවසීලන්තයේ කැන්ටබරි විශ්වවිද්යාලය විසින් සිදු කළ නව පර්යේෂණයකින් “වේපිං” (vaping) භාවිතය මිනිසුන්ට පිළිකා ඇති කිරීමේ ඉහළ සම්භාවිතාවක් ඇති බව හෙළිවී තිබේ. මෙම අධ්යයනය පිළිබද තොරතුරු නවසීලන්ත වෛද්ය සඟරාවකින් ප්රකාශයට පත් කර ඇති අතර, මෙහිදී “වේප් දුම” තුළ ඇති රසායනික සංයෝග පිළිබඳ විශේෂ අවධානයක් යොමු කර ඇත.
🔬 රසායනික විශ්ලේෂණයෙන් හෙළි වූ සත්යය.
මෙම පර්යේෂණයේදී, වේප් සදහා භාවිතා කරන ද්රව්ය උණුසුම් කිරීමෙන් පිටවන රසායනික සංඝටක විශ්ලේෂණයට ලක්කර තිබේ. පසුව සත්වයක් යොදාගනිමින් සිදු කරන ලද පරීක්ෂණයකදී හෙළිවී ඇත්තේ එම රසායනික ද්රව්ය අතරින් කිහිපයක් පිළිකා රෝගවලට හේතු වන බවයි.
පර්යේෂකයන් පවසන්නේ, මේ රසායනික ද්රව්ය DNA හා සෛලවලට හානි කරමින් පිළිකාවන්ට මඟ පාදන බවයි. එමෙන්ම, ශරීරයේ උණුසුම (inflammation) වැඩි කරමින් සෛල බෙදීම වැඩි වීමද පිළිකා වර්ධනයට දායක විය හැකි බවත් සඳහන් වේ.
විද්යාඥයන් කියා සිටියේ, වේපිං පිළිකා රෝගයට හේතු වන බව සම්පූර්ණයෙන්ම තහවුරු කිරීමට දිගුකාලීන මිනිස් දත්ත අවශ්ය වන බවයි. එවැනි නිශ්චිත සාක්ෂි ලබා ගැනීමට වසර ගණනාවක් (දශකයක් හෝ ඊට වැඩි කාලයක්) ගත විය හැක.
එහෙත්, දැනට ඇති සත්ව පරීක්ෂණ, ලැබ් පරීක්ෂණ සහ ජෛව සූචක (biomarkers) දත්ත එකට ගත් විට, වේපිං “කැනසරයට හේතු විය හැකි” බවට ප්රබල ඉඟි ලැබී ඇත.
⚖️ කර්මාන්ත පාර්ශවයෙන් පරීක්ෂණ සදහා විවේචනය.
නවසීලන්තයේ වේපිං කර්මාන්ත සංගමය (VIANZ) මෙම පර්යේෂණය සම්බන්ධයෙන් විවේචන එල්ල කරමින්, මෙය සත්ය මිනිස් ප්රතිඵල මත පදනම් නොවූ “සිද්ධාන්තික අවදානම් ඇගයීමක්” පමණක් බව සඳහන් කර ඇත.
ඔවුන් පවසන්නේ, වසර 20කට වැඩි කාලයක් ලොව පුරා වේපිං භාවිතා වුවද, එය සෘජුවම පිළිකාවට හේතු වූ බවට තවමත් ප්රමාණවත් සාක්ෂි නොමැති බවයි.
🚬 වේපිං භාවිතය දුම්පානයට වඩා හොඳද?
පර්යේෂකයන් පෙන්වා දෙන්නේ, සාමාන්ය දුම්පානයට වඩා වේපිං අඩු අවදානමක් තිබිය හැකි බවයි. එහෙත්, එය “සුරක්ෂිත විකල්පයක්” ලෙස සැලකිය නොහැකි බවද ඔවුන් වැඩිදුරටත් අවධාරණය කර ඇත.
විශේෂයෙන්ම, දුම්පානය නොකරන පුද්ගලයන් වේපිං ආරම්භ කිරීම සෞඛ්යයට අනවශ්ය අවදානමක් ඇතිකරන බවටද මෙහිදී අනතුරු අඟවා ඇත.
0 Comments