Roblox වෙතින් දරුවන් වෙනුවෙන් අලුත් ආරක්ෂක නීති!නමුත් “සැබෑ දෙමාපියන්” හඳුනාගැනීමේ ගැටලුවක්? 🧑‍

​ලොව පුරා අතිශය ජනප්‍රිය සබැඳි ක්‍රීඩා (Online Gaming) වේදිකාවක් වන Roblox, කුඩා දරුවන්ගේ ආරක්ෂාව තහවුරු කිරීම සඳහා නව ආරක්ෂක පියවර සහ ‘Parental Controls’ (දෙමාපිය පාලන මෙවලම්) හඳුන්වා දී තිබෙනවා.

​නමුත්, මේ ක්‍රමවේදය හරහා අවසර ලබාදෙන්නේ සැබෑවටම දරුවාගේ දෙමාපියන්ද යන්න ස්ථිරවම තහවුරු කරගැනීමට තවමත් නොහැකි බව Roblox ආයතනයේ ප්‍රධාන ආරක්ෂක නිලධාරියා පිළිගෙන තිබෙනවා.

​🛡️ මොනවාද මේ අලුත් නීති?

​විශේෂයෙන්ම නවසීලන්තය කේන්ද්‍ර කරගනිමින් මේ සතියේ සිට වයස් කාණ්ඩ අනුව ගිණුම් වර්ගීකරණය කිරීම (Age-based accounts) ආරම්භ කර තිබෙනවා.

• ​වයස අවුරුදු 5 – 8 අතර දරුවන්:
  මේ ගිණුම්වල අන් අය සමඟ අදහස් හුවමාරු කරගැනීමේ සියලුම සන්නිවේදන ක්‍රමවේද (Chat functions) ස්වයංක්‍රීයවම අක්‍රිය කර ඇත.
• ​වයස අවුරුදු 9 – 15 අතර දරුවන්:
  විවිධ මට්ටම්වලින් Chat පහසුකම් භාවිත කළ හැකි අතර, ඒ සඳහා දෙමාපියන්ගේ අනුමැතිය (Parental Consent) අනිවාර්ය වේ.
• ​AI මඟින් වයස පරීක්ෂාව:
  පරිශීලකයාගේ ජංගම දුරකථන කැමරාවෙන් මුහුණ පරිලෝකනය (Scan) කර, කෘතිම බුද්ධිය (AI) මඟින් වයස තීරණය කෙරේ. (මෙහිදී වයස අවුරුදු 1.4 ක පමණ වෙනසක් සිදුවීමට ඉඩ ඇත).

​⚠️ පවතින ලොකුම ගැටලුව කුමක්ද?

​අන්තර්ජාලය ඔස්සේ ළමා අපචාරකයින් සහ විලෝපිකයින් (Predators) දරුවන්ව ඉලක්ක කරගන්නා බවට Roblox ආයතනයට එරෙහිව ජාත්‍යන්තරව නඩු කිහිපයක්ම ගොනු වී තිබෙනවා. එවැනි පසුබිමක,

​”අන්තර්ජාලය තුළ සැබෑ දෙමාපියන් කවුදැයි නිවැරදිව හඳුනාගැනීම අතිශය අභියෝගාත්මකයි. මෙහිදී සිදුවන්නේ වයස අවුරුදු 18ට වැඩි අයෙකු පැමිණ තමන් දරුවාගේ භාරකරු ලෙස පෙනී සිටීම පමණයි.”

— මෑට් කවුෆ්මන් (Roblox ආරක්ෂක ප්‍රධානී)

​දරුවෙකුට වෙනත් වැඩිහිටියෙකු ලවා මෙම වයස් පරීක්ෂාව (Age Check) පහසුවෙන්ම සමත් කරවා ගැනීමට ඇති හැකියාව මෙහි ඇති ප්‍රධාන දුර්වලතාවයකි. කෙසේ වෙතත්, ක්‍රීඩා කරන අතරතුර දරුවාගේ හැසිරීම් රටාව නිරීක්ෂණය කර, සැක සහිත වුවහොත් නැවත වරක් වයස තහවුරු කිරීමේ පරීක්ෂාවන් (Prompts) ක්‍රියාත්මක කිරීමට Roblox පියවර ගෙන තිබේ.

දෙමාපියන්ගේ අවධානයට – Netsafe ආයතනයෙන් අනතුරු ඇඟවීමක්!

​නවසීලන්තයේ Netsafe සබැඳි ආරක්ෂණ ආයතනයේ ප්‍රධාන නිලධාරී ෂෝන් ලියොන්ස් පවසන්නේ, Roblox ආයතනය තැබූ මෙම පියවර යහපත් වුවද, දෙමාපියන් මේ පිළිබඳව කිසිසේත්ම නොසැලකිලිමත් (Complacent) නොවිය යුතු බවයි.

​තාක්ෂණික මෙවලම්වල අඩුපාඩු පවතින බැවින්, තමන්ගේ දරුවන් අන්තර්ජාලය තුළ සහ මෙවැනි ක්‍රීඩා තුළ සැරිසරන විට ඒ පිළිබඳව නිරන්තර අවධානයෙන් හා සෙන්දූත්වයෙන් (Vigilant) පසුවීම දෙමාපියන් සතු වගකීමකි.