රාජ්ය අංශයේ තාක්ෂණික ව්යාපෘති අසාර්ථක වන විට අපට සාමාන්යයෙන් ඇසෙන්නේ අයවැය ඉක්මවා යාම හෝ තාක්ෂණික දෝෂ ගැන පමණි. නමුත් නවසීලන්ත ආගමන විගමන දෙපාර්තමේන්තුවේ සිදුවූ ඩොලර් මිලියන 30 ක තොරතුරු තාක්ෂණ (IT) පද්ධති බිඳවැටීමක් පිළිබඳව ‘New Zealand Herald’ පුවත්පත සිදුකළ විශේෂ විමර්ශනයකින්, එම ආයතනය තුළ පැවති ඉතා දූෂිත සහ බියකරු “නිහඬ කිරීමේ සංස්කෘතියක්” කරළියට පැමිණ තිබේ.
ආයතනයේ සේවය කළ, අනන්යතාවය හෙළි කිරීමට අකමැති වූ ඉහළ පෙළේ තාක්ෂණික නිලධාරියෙකු පවසන්නේ, මෙම මහා විනාශය පිළිබඳව කලින්ම අනතුරු ඇඟවූ විශේෂඥයන්ට කළමනාකාරීත්වය විසින් දැඩි ලෙස තර්ජනය කර ඔවුන්ගේ කටවල් වැසූ බවයි.
නවසීලන්තයේ වීසා බලපත්ර ක්රියාවලිය නවීකරණය කිරීම සඳහා හඳුන්වා දුන් මෙම නව මෘදුකාංග පද්ධතිය ක්රියා විරහිත වීමට මාස කිහිපයකට පෙර සිටම, එහි බරපතළ දෝෂ (Bugs) පවතින බව තාක්ෂණික කණ්ඩායම කළමනාකාරීත්වයට පෙන්වා දී තිබුණි.
නමුත් ව්යාපෘතිය නියමිත දිනට අවසන් කර තමන්ගේ “නිලධාරී බෝනස් මුදල්” ලබාගැනීමේ කෑදරකම නිසා, ඉහළ නිලධාරීන් මෙම අනතුරු ඇඟවීම් සිතාමතාම නොසලකා හරිමින් පද්ධතිය සක්රීය කිරීමට පියවර ගත්තේය. එහි ප්රතිඵලයක් ලෙස මුළු පද්ධතියම විනාශ වී, වීසා අයදුම්පත් දහස් ගණනක් අතරමං විය.
‼️ “ආයෙත් රස්සාවක් කරලා ඉවරයි!”
මෙහි ඇති බියකරුම තත්ත්වය තාක්ෂණික දෝෂය නොවේ. ආයතනය තුළ සත්යය කතා කරන්නන් මර්දනය කිරීමට ගත් ක්රියාමාර්ගයි. රැස්වීම්වලදී මෙම අඩුපාඩු පෙන්වා දුන් දක්ෂ ඉංජිනේරුවන්ට කළමනාකාරීත්වය කෙළින්ම තර්ජනය කර තිබුණි.
“ඔයා මේ වැරැද්ද ගැන මාධ්යයට හෝ ඉහළට කිව්වොත්, ඔයාව සම්පූර්ණයෙන්ම විනාශ කරනවා. ආයේ කවදාවත් මේ රටේ තොරතුරු තාක්ෂණ ක්ෂේත්රයේ රැකියාවක් කරන්න ලැබෙන්නේ නැති වෙන්න බ්ලැක්ලිස්ට් (Blacklist) කරනවා.”
තමන්ගේ ජීවනෝපාය අහිමි වේ යැයි බියෙන් බොහෝ සේවකයන් නිහඬ වූ අතර, මහජන මුදල් මිලියන 30 ක් විනාශ වී යන දෙස ඔවුන්ට බලා සිටීමට සිදු විය.
මෙම සිදුවීමෙන් පෙනී යන්නේ රාජ්ය ආයතනවල පවතින අභ්යන්තර දූෂණ සහ අසාර්ථකත්වයන් වසන් කිරීමට ප්රචාරණ උපක්රම සහ තර්ජන භාවිතා කරන තාක් කල්, බදු ගෙවන මහජනතාවගේ මුදල් මේ අයුරින්ම නාස්ති වී යන බවයි.
0 Comments