නවසීලන්තය පුරා මේ වන විට අතිශය දරුණු සහ මන්දගාමීව ගමන් කරන මහා කුණාටු පද්ධතියක් ක්‍රියාත්මක වෙමින් පවතින අතර, මේ හේතුවෙන් එරට කාලගුණ විද්‍යා අංශ (MetService) විසින් ඉහළම මට්ටමේ කාලගුණ අනතුරු ඇඟවීම් වන Red Heavy Rain Warnings නිකුත් කර තිබේ.

මීට පෙර Otago කලාපයට ඇද හැලුණු දරුණු වර්ෂාව හේතුවෙන් Oamaru ප්‍රදේශයේ වැසියන් ආරක්ෂිත ස්ථාන කරා ඉවත් කිරීමට පියවර ගෙන තිබූ අතර, දැන් මෙම භයානක කාලගුණ තත්වය උතුරු දෙසට ගමන් කරමින් Marlborough සහ Upper Canterbury කලාප සෘජුවම වෙලා ගනිමින් පවතී.

දකුණු දූපත හරහා හමා යන මෙම දරුණු කාලගුණික තත්ත්වයට හේතු වී ඇත්තේ ප්‍රබල, ගැඹුරු සහ සංකීර්ණ පීඩන අවපාත පද්ධතියක් මගින් නිර්මාණය කර ඇති දැඩි, ශීතල ගිනිකොනදිග සුළං ප්‍රවාහයයි. මේ හේතුවෙන් එකවර භයානක තත්ත්වයන් ත්‍රිත්වයක් හටගෙන ඇත. එනම් නැගෙනහිර වෙරළ තීරයට නොනවත්වා ඇද හැලෙන මහා වර්ෂාව, අභ්‍යන්තර උස්බිම්වලට ඇද හැලෙන ඝන හිම පතනය සහ බටහිර නිම්න ප්‍රදේශ හරහා හමා යන දරුණු චණ්ඩ මාරුතයයි.

🔴 “රතු නිවේදන” සහ අපේක්ෂිත දරුණු බලපෑම්.
කාලගුණ විද්‍යා අංශ විසින් Marlborough සහ ලේක් Lake Sumner සිට උතුරින් පිහිටි Kaikōura Range දක්වා වූ ඉහළ කැන්ටබරි ප්‍රදේශ සඳහා මෙම රතු නිවේදන බලපැවැත්වෙන පරිදි ශ්‍රේණිගත කර ඇත.

👉🏻 අතිවිශාල වර්ෂාපතනය: ප්‍රදේශයේ කඳු වැටි සඳහා මිලිමීටර් 150 ත් 200 ත් අතර වර්ෂාපතනයක් අපේක්ෂා කරන අතර, Inland සහ Seaward Kaikōura කඳු වැටිවල හුදෙකලා වූ ඉහළම කඳු මුදුන්වලට මිලිමීටර් 400 ක අතිවිශාල වර්ෂාපතනයක් ඇද හැලීමට ඉඩ ඇති බවට අනතුරු අඟවයි. වෙරළබඩ ප්‍රදේශවලට මිලිමීටර් 60 සිට 100 දක්වා වැසි ඇති විය හැක.

👉🏻 උපරිම තීව්‍රතාවය: මෙම මහා වර්ෂාවේ දරුණුතම බලපෑම ඊයේ රාත්‍රී කාලයේ සිට අද (අඟහරුවාදා) පස්වරුව දක්වා අපේක්ෂා කරන අතර, එහිදී පැයකට මිලිමීටර් 15 සිට 25 දක්වා ඉහළ වේගයකින් වැසි ඇද හැලෙනු ඇත.

👉🏻 ගංවතුර සහ නායයෑම් අවදානම: මෙතරම් විශාල වර්ෂාපතනයක් හේතුවෙන් ගංගාවල ජල මට්ටම භයානක ලෙස ඉහළ යාම, පුළුල් ලෙස මතුපිට ගංවතුර ඇතිවීම, නායයෑම් සහ ගමනාගමනයට දැඩි බාධා එල්ල වීම අනිවාර්යයෙන්ම සිදුවිය හැකි බවට බලධාරීන් අනතුරු අඟවයි.

🔴 බරපතළ හිම පතනය සහ දරුණු සුළං තත්ත්වය.
ධ්‍රැවීය ප්‍රදේශවලින් හමා එන දැඩි ශීතල වායු ධාරා මෙම තෙතමනය සහිත කුණාටු පද්ධතිය සමග මුසුවීම නිසා අභ්‍යන්තර ප්‍රදේශවලට සහ උස්බිම්වලට දැඩි හිම පතනයක් සිදුවෙමින් පවතී.

👉🏻 පහත් වන හිම රේඛාව: කැන්ටබරි උස්බිම් සහ මධ්‍යම ඔටාගෝ පුරා මීටර් 700-800 දක්වා පහළ මට්ටම්වලට හිම පතනය අපේක්ෂා කෙරේ. දකුණු දිග ප්‍රදේශ කිහිපයක මීටර් 300-400 තරම් පහළ මට්ටම්වලට පවා හිම පතනය විය හැක.

👉🏻 ඇල්පයින් මාර්ග වැසීයාම: ප්‍රධාන මාර්ග සඳහා හිම පතන අනතුරු ඇඟවීම් නිකුත් කර ඇත. විශේෂයෙන් Lindis Pass – SH8 මාර්ගයේ කඳු මුදුන අසල සෙන්ටිමීටර 15ක් දක්වා ඝනකමට හිම පතනය වනු ඇතැයි අපේක්ෂා කෙරේ. එම නිසා ගමන් ආරම්භ කිරීමට පෙර මාර්ගවල තත්ත්වය පරීක්ෂා කරන ලෙස සංචාරකයින්ගෙන් ඉල්ලා සිටී.

👉🏻 චණ්ඩ මාරුත: වර්ෂාපතනයට අමතරව, Fiordland සහ Westport වලට දකුණින් පිහිටි බටහිර වෙරළ තීරයේ විවෘත නිම්න හරහා දරුණු ගිනිකොනදිග සුළං හැමීමේ අවදානමක් පවතී. මෙම සුළං කුණාටු ගොඩනැගිලිවලට හානි කිරීමට සහ ගස් කඩා වැටීමට තරම් ප්‍රබල විය හැක.
සිවිල් ආරක්ෂක (Civil Defence) සහ ප්‍රාදේශීය බලධාරීන් බලපෑමට ලක්වූ කලාපවල වැසියන්ගෙන් ඉල්ලා සිටින්නේ අනවශ්‍ය ගමන් බිමන්වලින් සම්පූර්ණයෙන්ම වළකින ලෙසයි. එමෙන්ම විදුලිය විසන්ධි වීම් හෝ සන්නිවේදන බිඳවැටීම් සඳහා සූදානම් වන ලෙසත්, අසල ඇති ජල මාර්ග ශීඝ්‍රයෙන් ඉහළ යන්නේ නම් වහාම ස්වයංව ආරක්ෂිත ස්ථාන කරා ඉවත් වීමට (Self-evacuate) සූදානමින් සිටින ලෙසත් දැඩිව දැනුම් දෙයි.

‼️ මේ පිළිබදව ඔබේ හිතවතුන් දැනුවත් කරන්න!