ලබාදුන් වැටුප් යෝජනාව ප්රතික්ෂේප කරමින් නවසීලන්තයේ උතුරු දූපතේ (North Island) ප්රජා සෞඛ්ය ක්ෂේත්රයේ නිරත ‘ටෝටල් කෙයාර් හෙල්ත්’ (Total Care Health) ආයතනයේ හෙද හෙදියන් සහ සෞඛ්ය සේවකයන් දැවැන්ත වෘත්තීය සමිතිය ක්රියාමාර්ගයක නිරත වෙමින් සේවයෙන් ඉවත් වී තිබේ. මාස ගණනාවක් පුරා පැවැති වැටුප් සාකච්ඡා අසාර්ථක වීම සහ ජීවන වියදමට සරිලන සාධාරණ වැටුප් වැඩිවීමක් නොලැබීම හේතුවෙන් මෙලෙස වැඩවර්ජනයකට එළඹීමට ඔවුන් තීරණය කර ඇත.
මෙම වෘත්තීය සමිති ක්රියාමාර්ගය නිසා උතුරු දූපත පුරා නිවාස වෙත ගොස් ලබාදෙන සෞඛ්ය සේවාවන් සහ ප්රජා සත්කාරක සේවාවන් අඩපණ වී ඇති අතර, හදිසි සහ අත්යවශ්ය ප්රතිකාර සඳහා පමණක් විශේෂ සේවා ක්රියාත්මක වේ. රාජ්ය රෝහල් පද්ධතියේ හෙදියන්ට ලැබෙන වැටුප් සහ පෞද්ගලික ප්රජා සෞඛ්ය අංශයේ හෙදියන්ගේ වැටුප් අතර පවතින විශාල පරතරය මෙම අර්බුදයට ප්රධාන හේතුව වී තිබේ. සේවයෙන් ඉවත් වීමට සිදුවීම පිළිබඳව කනගාටුව පළ කරන වෘත්තීයවේදීන් පෙන්වා දෙන්නේ පළපුරුදු සේවකයන් ක්ෂේත්රයේ රඳවා ගැනීමට නම් සාධාරණ වැටුපක් අත්යවශ්ය වන බවයි.
තමුන් ඉදිරිපත් කළ වැටුප් යෝජනාව පවතින මුල්ය සීමාවන් තුළ සාධාරණ එකක් බව ටෝටල් කෙයාර් හෙල්ත් කළමනාකාරීත්වය ප්රකාශ කළද, ප්රමාණවත් වැටුප් නොලැබීමෙන් ක්ෂේත්රයේ සේවකයන් විදේශයන් වෙත හෝ වෙනත් අංශ වෙත යොමු වීමේ අවදානමක් පවතින බව වෘත්තීය සමිති නියෝජිතයෝ පෙන්වා දෙති. මෙම තත්ත්වය හමුවේ සේවකයන්ගේ ගැටලුවලට සාධාරණ විසඳුමක් ලබා දෙමින් සේවාවන් යථා තත්ත්වයට පත් කිරීමට දෙපාර්ශවයම වහා සාකච්ඡා මාර්ගයට අවතීර්ණ විය යුතුව ඇත.
0 Comments