ඩුබායි සිට පැමිණි පළමු ගුවන් යානයට ඔක්ලන්ඩ් ගුවන්තොටුපළේ උණුසුම් පිළිගැනීමක් – අත්පොළසන් හඩ මධ්‍යයේ නවසීලන්ත පවුල් නැවත එක්වෙයි.

මධ්‍ය පෙරදිග කලාපයේ ඇතිවූ ගුවන් ගමන් අවහිරතා අතරතුර, ඩුබායි සිට නවසීලන්තයේ ඔක්ලන්ඩ් වෙත පැමිණි පළමු ගුවන් යානය ඊයේ දිනයේ ගුවන්තොටුපළට ළඟා වුනා.එවිට එහි සිටි පිරිස අත්පොළසන් හා සතුටු කඳුළු අතර උණුසුම් පිළිගැනීමක්ද සමගින් ගුවන් යානයෙන් ගොඩ බැස්සා.

මෙම අවස්ථාවේදී බොහෝ පවුල්වල සාමාජිකයන්ට ඉතා දුක්බර කාලසීමාවකින් පසු තම ආදරණීයයන් සමඟ නැවත එක්වීමට අවස්ථාව උදා වුනා.

ඩුබායි සිට පැමිණි Emirates ගුවන් යානය

ඩුබායි නගරයෙන් පිටත් වූ Emirates ගුවන් සේවයේ EK448 ගුවන් යානය සෙනසුරාදා දින පෙරවරු 11.30ට ආසන්නව ඔක්ලන්ඩ් ගුවන්තොටුපළට ආරක්ෂිතව ලඟා වුනා.

මධ්‍ය පෙරදිග කලාපයේ ගැටුම් හේතුවෙන් බොහෝ ගුවන් ගමන් අත්හිටුවීම හෝ ප්‍රමාද වීම සිදුවී තිබූ අතර, මෙම ගුවන් යානය එවැනි තත්ත්වයකින් පසු පැමිණි වැදගත් ගුවන් ගමන්වලින් එකක් ලෙස සැලකෙනවා.

ගුවන්තොටුපළේ හැඟීම්බර අවස්ථා

ගුවන් යානය පැමිණි විට නවසීලන්ත පවුල්වල සාමාජිකයන් සහ මිතුරන් ගුවන්තොටුපළේ රැඳී සිට තම ආදරණීයයන් පිළිගත්හ.

එහිදී

• අත්පොළසන්

• සතුටු කඳුළු

• උණුසුම් වැලදගැනීම

වැනි හැඟීම්බර අවස්ථා දක්නට ලැබුණි.

බොහෝ දෙනා පැවසුවේ පසුගිය දින කිහිපය තුළ තම පවුලේ අය ගැන දැඩි කනස්සල්ලෙන් පසුවූ බවයි.

ගුවන් යානයේ සිටියේ සීමිත මගීන් පිරිසක් පමණි.

මෙම ගුවන් යානයේ බොහෝවිට 30 – 40 අතර පිරිසක් පමණ ගමන් කර ඇති බවට වාර්තා වේ.

ගුවන් ගමන් සැලසුම් හදිසියේ වෙනස් වීම හේතුවෙන්, සමහර මගීන්ට ඉතා කෙටි කාලයක් තුළ ගමනට සූදානම් වීමට සිදු වූ බවද සඳහන් වේ.

අනෙක් ගුවන් ගමන්ද යළි සාමාන්‍ය වෙමින් පවතී

ඩුබායි සිට තවත් ගුවන් යානයක් Sydney හරහා Christchurch වෙත එම දිනම පස්වරුවේ ලඟා වූ බවද වාර්තා වේ.

ගුවන් සේවා සමාගම් පවසන්නේ, මධ්‍ය පෙරදිග කලාපයේ ගුවන් මාර්ග යළි විවෘත වීමත් සමඟ ගුවන් ගමන් සෙමින් සාමාන්‍ය තත්ත්වයට පැමිණෙමින් පවතින බවයි.

යුද්ධය හේතුවෙන් තම මව්බිමට නැවත පැමිණීමට නොහැකිව සිරවී සිටින සියළු දෙනාට ඉක්මනින්ම සුභ පණිවිඩයක් ලැබේවා කියා අපි හදවතින්ම ප්‍රාර්ථනා කරමු!