උතුරු කොරියාවෙන් රතු එළියක්!කිම් ජොන්ග් උන් දියණියත් එක්ක මිසයිලයක් අත්හදා බලයි 🇰🇵🚀

​ඇමෙරිකාව සහ දකුණු කොරියාව එක්ව පවත්වන දැවැන්ත යුද අභ්‍යාසයට උතුරු කොරියාවෙන් සැර ප්‍රතිචාරයක්! 💥

ඇමෙරිකා – දකුණු කොරියා ‘Freedom Shield’ යුද අභ්‍යාසය තමන්ගේ රට ආක්‍රමණය කිරීමට කරන පෙර පුහුණුවක් ලෙස හඳුන්වන උතුරු කොරියාව, ඊට එරෙහිව සිය බලය පෙන්වමින් නවතම කෲස් මිසයිලයක් (Cruise Missile) සාර්ථකව අත්හදා බලා තිබේ.

​මෙහි ඇති විශේෂතා කිහිපයක් මෙන්න.
​👨‍👧 අනුප්‍රාප්තිකයාගේ පැමිණීම?
කිම් ජොන්ග් උන්ගේ 13 හැවිරිදි දියණිය, කිම් ජූ ඒ (Kim Ju Ae) ද මෙම අවස්ථාවට එක්ව සිටීම විශේෂත්වයකි. ඇය මීළඟ නායිකාව ලෙස පුහුණු කරන බවට දකුණු කොරියානු බුද්ධි අංශ සැක පළ කරයි.

​🚢 නෞකාවක සිට දියත් කිරීම.
‘Choe Hyon’ නැමති යුද නෞකාවේ සිට මෙම මිසයිලය දියත් කර ඇති අතර නායක කිම් ජොන්ග් උන් එය පාලන මැදිරියක සිට නිරීක්ෂණය කර ඇත.

​☢️ න්‍යෂ්ටික බලය.
සතුරන් මර්දනය කිරීමට තමන් සතු න්‍යෂ්ටික බලය ඕනෑම මොහොතක සීරුවෙන් තබා ගන්නා ලෙස කිම් ජොන්ග් උන් මෙහිදී අවධාරණය කර තිබේ.

​”ඔවුන් පෙන්වන්නේ අප කෙරෙහි ඇති දැඩි වෛරයයි!”

මෙම යුද අභ්‍යාස සම්බන්ධයෙන් අදහස් දක්වමින් කිම් ජොන්ග් උන්ගේ සහෝදරිය, කිම් යෝ ජොන්ග් පවසන්නේ ඇමෙරිකාව සහ දකුණු කොරියාව උතුරු කොරියාව කෙරෙහි දක්වන දැඩි වෛරය මෙයින් යළිත් තහවුරු වන බවයි. ⚠️

​ලෝක දේශපාලනයේ උණුසුම් පුවත් එසැණින් දැනගන්න Lakkiwi News අප සමඟ එක්වන්න! 🌏📢