නවසීලන්තයේ ගිස්බෝර්න් ප්රදේශයේ ඊයේ රාත්රියේ සිදුවූ දරුණු රිය අනතුරකින් පුද්ගලයන් දෙදෙනෙකු ජීවිතක්ෂයට පත්ව ඇති බව පොලිසිය තහවුරු කරයි.
අනතුර සිදුව ඇත්තේ සෙනසුරාදා රාත්රී 11:40 ට පමණ ගිස්බෝර්න් හි ටකර් පාරේ දීය.සහන සේවා කණ්ඩායම් එම ස්ථානයට යන විටත් පුද්ගලයන් දෙදෙනෙකු මියගොස් සිටි බව වාර්තා වේ. අනතුරට පත්වූ තවත් දෙදෙනෙකු අසාධ්ය තත්ත්වයෙන් රෝහල් ගත කර ඇති අතර, තවත් පුද්ගලයන් දෙදෙනෙකු මධ්යම ප්රමාණයේ තුවාල ලබා ඇත.
මෙම අනතුර සඳහා සම්බන්ධ වී ඇත්තේ එක් වාහනයක් පමණක් බව පොලිස් පරීක්ෂණවලදී අනාවරණය වී තිබේ.
අනතුර සම්බන්ධයෙන් වැඩිදුර විමර්ශන කටයුතු මේ වන විටත් ක්රියාත්මක වන අතර, මාර්ගය තාවකාලිකව වසා තැබීමට හෝ පරීක්ෂණ සඳහා සීමා කිරීමට ඉඩ ඇති බව බලධාරීන් පවසයි.
0 Comments