වසර 100කට අධික කාලයකට පසු, Otago මුහුදු සිංහ ගහණය සුවිශේෂී සන්ධිස්ථානයක් සපුරා තිබේ. මෙවර බෝවන කාලසීමාව තුළ පැටවුන් 38 දෙනෙකු අලුතින් උපත ලබා ඇති බව වාර්තා වේ!
මෙය හුදෙක් ඉලක්කමක් පමණක් නොව, වඳවී යාමේ තර්ජනයට ලක්ව සිටි මෙම සතුන්ගේ නැවත පැමිණීමේ ජයග්රාහී සලකුණකි.
📍 මෙහි ඇති සුවිශේෂත්වය කුමක්ද?
- පිට පිට වසර 5ක් පුරා පැටවුන් 35කට වඩා උපත ලැබුවහොත්, මෙම ප්රදේශයට නිල වශයෙන් “බෝවන ජනපද” (Breeding Colony) තත්ත්වය හිමි වේ.
- 1990 දශකයේ මුල් භාගය වන විටත් මෙම සතුන් ප්රධාන ගොඩබිම් කලාපයෙන් වඳවී ගොස් ඇති බවයි සැලකුණේ.
- මෙවර උපන් පැටවුන් 38 දෙනාගෙන් 36 දෙනෙකුම, 1993 වසරේදී වසර 150කට පසු ප්රථම වරට පැටවෙකු බිහිකළ “Mum” නමැති මුහුදු සිංහ මවගෙන් පැවත එන්නන් වීම විශේෂත්වයකි.
👶 පුංචි පැටවුන්ගේ තොරතුරු මෙන්න.
දැනට උපන් පැටවුන්ගෙන් 50%කට වඩා ගැහැණු සතුන් වන අතර, ඔවුන් මේ වන විටත් පිහිනීමට හුරුවීම සඳහා නොගැඹුරු ආරක්ෂිත ජල තීරයන් වෙත සිය මවුවරුන් සමඟ ගමන් කරමින් සිටිති.
Stewart Island හි සිටින මුහුදු සිංහ මවුවරුන් ද දැන් ක්රමයෙන් ඔටගෝ වෙත සංක්රමණය වෙමින් සිටීම මෙම ගහණය තවදුරටත් වර්ධනය වීමට ලොකු අත්වැලක් වී තිබේ. 🏔️🇳🇿
සොබාදහමේ අපූරු පුනරාගමනයක්! 🌱💙
0 Comments