දෙවන ලෝක මහා යුද්ධ සමයේ ජපාන අධිරාජ්‍ය හමුදාවේ ලිංගික වහලුන් ලෙස සේවය කිරීමට බලකෙරුණු “සැනසිලිදායක කාන්තාවන්” (Comfort Women) සිහිපත් කරමින් නවසීලන්තයේ ඕක්ලන්ඩ් නුවර ඉදිකිරීමට සැලසුම් කර තිබූ ස්මාරකය ඉවත් කිරීමට නවසීලන්ත බලධාරීන් තීරණය කර තිබේ. ජපාන රජය විසින් එල්ල කරන ලද දැඩි රාජ්‍ය තාන්ත්‍රික බලපෑම් හමුවේ මෙම තීරණය ගෙන ඇති අතර, මෙය නවසීලන්තයේ වෙසෙන කොරියානු සහ ජපාන ප්‍රජාවන් අතර මතභේදයට තුඩු දී ඇත.
මෙම ස්මාරකය මගින් යුද සමයේදී අතවරයට පත් වූ දහස් සංඛ්‍යාත කාන්තාවන්ගේ මානව හිමිකම් සහ ගෞරවය වෙනුවෙන් හඬක් නැගීමට බලාපොරොත්තු වූ නමුත්, ජපානය තර්ක කරන්නේ මෙය රටවල් අතර පවතින සබඳතාවලට බාධාවක් වන බවයි. ජාත්‍යන්තර දේශපාලන සහ වෙළඳ සබඳතා ආරක්ෂා කරගැනීමේ අරමුණින් නවසීලන්තය මෙම පසුබැසීම සිදු කර ඇති බව විචාරකයෝ පෙන්වා දෙති. මෙම තීරණය නිසා යුක්තිය පතා සටන් කරන ක්‍රියාකාරීන් දැඩි කනගාටුවට පත්ව සිටින අතර, මෙය ඉතිහාසයේ සිදු වූ අමිහිරි මතකයන් යටපත් කිරීමක් බව ඔවුන්ගේ මතයයි.
නමුත් මෙය ඉදිකිරීමට මූලික අරමුණ වූයේ යුද්ධයේදී ලිංගික වධහිංසාවට පත් වූ කාන්තාවන් 200,000කට අධික පිරිසකගේ වේදනාව ලොවට හෙළි කිරීමයි. මුලින් මේ සදහා අවසර ලබා දී තිබුණද, පසුව ප්‍රාදේශීය සභා මගින් මෙම ව්‍යාපෘතිය අත්හිටුවීමට තීරණය කරන ලදී. නවසීලන්තය මෙන්ම තවත් රටවල් කිහිපයකද මෙවැනි ස්මාරක ඉදිකිරීම ජපානයේ බලපෑම මත නතර කර දමා ඇත.
කෙසේවෙතත් මානව හිමිකම්වලට වඩා රාජ්‍ය තාන්ත්‍රික සබඳතාවලට ප්‍රමුඛත්වය ලබා දීම පිළිබඳව සමාජ ක්‍රියාකාරීන් මේ මොහොතේ ප්‍රශ්න නගති. මෙම පුවත ලෝක දේශපාලනය තුළ ඉතිහාසය සහ බලය එකිනෙක ගැටෙන ආකාරය මනාව පැහැදිලි කරන තවත් එක් අවස්ථාවකි.
0 Comments