සීතල රටේ වියළෙන නගරය!Christchurch ඉතිහාසය අලුත් කරන්න ආසන්නයි!

නවසීලන්තයේ ක්‍රයිස්ට්චර්ච් (Christchurch) නගරය සිය කාලගුණ විද්‍යා ඉතිහාසයේ වාර්තා වූ වියළිම මැයි මාසය සනිටුහන් කිරීමට ආසන්න වෙමින් පවතී.

සාමාන්‍යයෙන් මැයි මාසය තුළ මෙම නගරයට මිලිමීටර් 58ක පමණ වර්ෂාපතනයක් ලැබුණද, මෙවර මැයි මාසය අවසන් වීමට දින කිහිපයක් තිබියදී ලැබී ඇත්තේ මිලිමීටර් 5.2ක ඉතා අඩු වර්ෂාපතනයකි. මීට පෙර ඉතිහාසයේ වියළිම මැයි මාසය ලෙස වාර්තා වූයේ 2012 වසරේදීය (මිලිමීටර් 11.2). මෙවර පවතින තත්ත්වය එම වාර්තාව ද අභිබවා යාමට නියමිතය.

කාලගුණ විද්‍යා අංශ පෙන්වා දෙන්නේ කැන්ටබරි (Canterbury) කලාපය පුරා පවතින දැඩි ඉහළ වායුගෝලීය පීඩන තත්ත්වයක් හේතුවෙන් වැසි වලාකුළු පැමිණීම වැළකී ඇති බවයි. මෙම තත්ත්වය නිසා නගරයේ තණබිම් වියළී ගොස් ඇති අතර, ප්‍රදේශයේ ගොවි ජනතාවද දැඩි දුෂ්කරතාවලට මුහුණ දී සිටිති. කෙසේ වෙතත්, එළඹෙන ඉරිදා දිනයේදී දකුණු දූපතට පැමිණීමට නියමිත නව කාලගුණ විපර්යාසයක් හේතුවෙන් සුළු වැසි තත්ත්වයක් අපේක්ෂා කෙරේ. මැයි මාසය අවසන් වීමට පෙර නගරයට මිලිමීටර් 6.1ක වැස්සක් නොලැබුණහොත්, 2026 මැයි මාසය ක්‍රයිස්ට්චර්ච් ඉතිහාසයේ වියළිම මාසය ලෙස නිල වශයෙන් වාර්තා පොත් අතරට එක්වනු ඇත.