නවසීලන්ත ධන කුවේරයාගේ සාර්ථකත්වයේ රහස හෙළි කරයි!

ගෝලීය ව්‍යාපාරික ලෝකය තමන් සතු කර ගැනීමට අවශ්‍ය වන්නේ විශාල මූලධනයක් පමණක් නොවන බවත්, ඒ සඳහා ලෝකයේ දැවැන්තයන් සමඟ හැප්පී ජයග්‍රහණය කළ හැකි බවට තමන් තුළ ඇති දැඩි විශ්වාසය අත්‍යවශ්‍ය බවත්, ‘Zuru’ සෙල්ලම් බඩු සහ පාරිභෝගික භාණ්ඩ සමාගමේ සම-නිර්මාතෘ සහ ප්‍රධාන විධායක නිලධාරී Nick Mowbray පවසයි.

2026 වසරේ නවසීලන්තයේ ප්‍රමුඛතම ධනවතුන්ගේ ලැයිස්තුවේ (NBR Rich List) ප්‍රථම ස්ථානය දිනා ගැනීමෙන් පසු පැවැති සාකච්ඡාවකදී ඔහු මේ බව අනාවරණය කළේය. නික් මෝබ්‍රේ සහ ඔහුගේ සහෝදරයා වන මැට් මෝබ්‍රේ සතු වත්කම මේ වන විට ඇමරිකානු ඩොලර් බිලියන 20ක් ලෙස ඇස්තමේන්තු කර ඇත.

“අපිට වැදගත් වෙන්නේ මේ ඉලක්කම් නෙවෙයි, ඒ ඉලක්කම් කරා යන්න අපි වැඩ කරන ආකාරයයි. Mattel, Lego, සහ Procter & Gamble වැනි ලෝකයේ ඉහළම සමාගම් සමඟ ඔවුන්ගේම භූමිය තුළ තරඟ කර ඔවුන්ව පරාජය කිරීමයි අපේ අරමුණ,” යැයි මෝබ්‍රේ පැවසීය.

ලෝකය දිනූ ‘Zuru’ මානසිකත්වයේ කුළුණු දෙක:
✅ නිරන්තර දියුණුව (Continuous Improvement): නිෂ්පාදන, ප්‍රවාහනය සහ අභ්‍යන්තර ව්‍යුහය දිනෙන් දින ඉහළ නැංවීම.

✅ ජයග්‍රහණය පිළිබඳ ස්ථිර විශ්වාසය (Belief to Win): අපට සීමාවන් නොමැති බව අදහා ගනිමින් ජාත්‍යන්තර වෙළඳපොළට බිය නැතිව අවතීර්ණ වීම.

දේශපාලන ප්‍රතිපත්ති මඟින් මිනිසුන් රජය මත යැපෙන්නන් බවට පත් කිරීම ඔහු දැඩි ලෙස විවේචනය කළ අතර, රටක් දියුණු කිරීමට නම් ලෝකය දිනන ව්‍යවසායකයින් බිහි කළ යුතු බව මෝබ්‍රේ වැඩිදුරටත් අවධාරණය කළේය.