නවසීලන්තයේ වෙලින්ටන් අගනුවර වීදිවල පිහිටි රථ වාහන parking meters මත අලවා තිබූ ව්යාජ QR කේත ස්ටිකර් පෙළක් හමු වීමත් සමඟ, මෙරට රථවාහන රියදුරන්ට වහාම ක්රියාත්මක වන පරිදි සුපරික්ෂාකාරි වන ලෙසට වෙලින්ටන් නගර සභාව රතු එළියක් නිකුත් කර තිබේ. රථගාස්තු ගෙවීමට පැමිණෙන රියදුරන් මුලා කරමින් ඔවුන්ගේ බැංකු කාඩ්පත් සහ මුල්ය තොරතුරු සොරාගැනීමේ සංවිධානාත්මක ජාවාරමක් ලෙස සයිබර් අපරාධකරුවන් විසින් මෙම ක්රියාමාර්ගය ගෙන ඇත. නිල ගෙවීම් පද්ධතිය ලෙස පෙනී සිටිමින් සකස් කර තිබූ මෙම ව්යාජ QR කේත ස්කෑන් කිරීමේදී, රියදුරන් යොමු වී ඇත්තේ පෞද්ගලික මුල්ය තොරතුරු ලබාගන්නා ව්යාජ වෙබ් අඩවි වෙතය.
වෙලින්ටන් නගර මධ්යයේ වැඩි ඝනත්වයකින් යුත් රථගාල ප්රදේශවල නිත්ය පරික්ෂාවල නිරත වූ නගර සභා නිලධාරීන් විසින් මෙම වංචනික ස්ටිකර් ප්රථමයෙන්ම හඳුනාගෙන ඇත. quishing හෙවත් QR කේත මාර්ගයෙන් සිදුකරන ෆිෂින් සයිබර් ප්රහාර ලෙස හඳුන්වන මෙම ක්රමය හරහා, සැබෑ නගර සභා පුවරු මත ඉතා සුක්ෂම ලෙස මෙම ස්ටිකර් අලවා තිබිණි. සිදුවීම අනාවරණය වූ වහාම නගර සභා සේවකයින් විසින් අදාළ යන්ත්ර පරික්ෂා කර ව්යාජ ස්ටිකර් ඉවත් කිරීමට පියවර ගත්තද, ජාවාරම්කරුවන්ට ඉතා කෙටි කාලයකදී නැවතත් මෙවැනි ස්ටිකර් නගරය පුරා ඇලවීමේ හැකියාව පවතින බවට බලධාරීන් අනතුරු අඟවයි.
මෙම සයිබර් තර්ජනය හමුවේ කරුණු පැහැදිලි කරන වෙලින්ටන් නගර සභාව සඳහන් කරන්නේ, ගෙවීම් ලබාගැනීම සඳහා තමන් කිසිදු විටෙක වීදි යන්ත්ර මත වෙන් වෙන් වශයෙන් QR කේත ස්ටිකර් භාවිතා නොකරන බවයි. එම නිසා ගාස්තු ගෙවීමේදී නගර සභාව විසින් අනුමත කරන ලද නිල ජංගම යෙදවුම් (apps), නිල වෙබ් අඩවි හෝ යන්ත්රයට කෙළින්ම මුදල්/කාඩ්පත් ඇතුළත් කිරීමේ ක්රමවේද පමණක් භාවිතා කරන ලෙස ප්රවාහන නිලධාරීහු ජනතාවගෙන් ඉල්ලා සිටිති.
දැනටමත් පොලිසිය සහ ජාතික සයිබර් ආරක්ෂණ ඒජන්සි සමඟ එක්ව පරීක්ෂණ ආරම්භ කර ඇති අතර, අදාළ ප්රදේශවල සීසීටීවී (CCTV) දර්ශන පරීක්ෂා කරමින් වැරදිකරුවන් සොයා මෙහෙයුම් ක්රියාත්මක වේ. යම් හෙයකින් මෙවැනි ව්යාජ කේතයක් ස්කෑන් කර බැංකු තොරතුරු ලබා දුන්නේ නම්, වහාම තමන්ගේ බැංකුව හා සම්බන්ධ වී කාඩ්පත් අත්හිටුවීමට පියවර ගන්නා ලෙසද නගර සභාව ජනතාවට වැඩිදුරටත් දැනුම් දෙයි.
0 Comments