රොකට් තාක්ෂණයෙන් දුවන අලුත්ම ටෙස්ලා කාර් එක: ගුවනේදී පෙරළෙමින් දැක්වූ අසාමාන්‍ය දස්කම්!

ලොව සුප්‍රකට ටෙස්ලා (Tesla) සමාජම විසින් සිය නවතම ඉලෙක්ට්‍රොනික් සුපිරි මෝටර් රථය වන ‘රෝඩ්ස්ටර්’ (Roadster) මාදිලිය ටෙක්සාස් හි මැක්ග්‍රෙගර් (McGregor) හිදී එළිදක්වා ඇති අතර, එම රථය ගුවනට එසවෙමින් හා පෙරළෙමින් දැක්වූ අසාමාන්‍ය දස්කම් සමස්ත ලෝකයම මවිතයට පත් කිරීමට සමත්ව තිබේ. ස්පේස්එක්ස් (SpaceX) රොකට් තාක්ෂණයෙන් ආභාෂය ලබා ගනිමින් සම්පීඩිත වාතය (compressed air) මගින් ක්‍රියාත්මක වන තෙරපුම් පද්ධතියක් (thrusters) සහිතව නිපදවා ඇති මෙම රථය, පැයට සැතපුම් 0 සිට 60 දක්වා වේගයක් ලබාගැනීමට ගතවන්නේ තත්පර 0.81 ක වැනි අතිශය කෙටි කාලයක් වන අතර, එය දැනට ලොව පවතින වේගවත්ම ෆෝමියුලා 1 (Formula 1) සහ අනෙකුත් සුපිරි මෝටර් රථවල වේගයද අභිබවා යාමකි.

සමාගමේ ප්‍රධාන විධායක නිලධාරී ඊලෝන් මස්ක් (Elon Musk) සහ ප්‍රධාන ඉංජිනේරු ලාර්ස් මොරාවි (Lars Moravy) විසින් හඳුන්වා දුන් මෙම අද්විතීය රථය, ‘පර්ෆෝමන්ස්’ (Performance), ‘ත්‍රස්ට්’ (Thrust) සහ ගුවන් ගමන් පද්ධතියක් සහිත ‘රොකට්’ (Rocket) යන මාදිලි තුනකින් නිකුත් කෙරේ. මෙහි සුක්කානම, ක්‍රීඩාශීලී අසුන් සහ අඟල් ගණනාවක විශාල ඩිජිටල් තිරය ඇතුළු අභ්‍යන්තර නිර්මාණය ඉතා ආකර්ෂණීය ලෙස සකස් කර ඇති අතර, 2028 වසර වන විට නිෂ්පාදන කටයුතු ආරම්භ කිරීමට නියමිත මෙම රථය සඳහා මේ වන විටත් ඇණවුම් බාරගැනීම ආරම්භ කර තිබේ. තාක්ෂණික ක්ෂේත්‍රයේ දැවැන්ත පෙරළියක් සිදු කරමින් නිකුත් වූ මෙම පියාසර කරන මෝටර් රථය, අනාගත වාහන නිෂ්පාදන ක්ෂේත්‍රයේ නවතම සංධිස්ථානයක් සනිටුහන් කරනු ඇති බව විශ්ලේෂකයෝ පෙන්වා දෙති.