සේවයේදී ජීවිතය කැප කළ පොලිස් නිලධාරීන්ට ලෝකයේම ගෞරවය පුදකළ දිනය.

සෑම වසරකම මාර්තු 7 වන දින, ලෝකය පුරා සේවයේදී ජීවිතය අහිමි වූ පොලිස් නිලධාරීන් මතක් කරමින් විශේෂ දිනයක් ලෙස International Day of Remembrance for Fallen Police Officers සමරනු ලැබේ.

මෙම දිනයේදී පොලිස් සේවාවන්, නිලධාරීන්, ඔවුන්ගේ පවුල් සහ ජනතාව ලෝකය පුරා එකට එක්ව,

සමාජය ආරක්ෂා කිරීමට සහ නීතිය රැකීමට තම ජීවිතය කැප කළ පොලිස් නිලධාරීන්ට ගෞරවය දැක්වයි.

නවසීලන්තයෙන් මෙම ගෞරවකිරීම ආරම්භ වෙයි.

ලෝකයේ වෙනත් රටවලට වඩා කාල රාමුවෙන් ඉදිරියෙන්ම සිටින රට නිසා, මෙම ගෝලීය ගෞරවය ආරම්භ කිරීමට බොහෝවිට නවසීලන්තය පළමුවෙන්ම ඉදිරියට එයි.

ඒ අනුව මෙවරත්,

• Auckland නගරයේ Sky Tower ගොඩනැගිල්ල

• පොලිස් නිලධාරීන්ට ගෞරවය පළ කරමින් නිල් පැහැයෙන් ආලෝකමත් කර තිබුණි.

මෙය ලෝකය පුරා සිදු කරන “Global Blue Police Salute” නම් ගෞරව වැඩසටහනේ එක කොටසක් වේ.

ලෝකයේම ගොඩනැගිලි නිල් පැහැයෙන් ආලෝකමත් වෙයි

මෙම අවස්ථාව සැමරීමට,

• පොලිස් මූලස්ථාන

• රජයේ ගොඩනැගිලි

• ප්‍රසිද්ධ නගර සංකේත

ලෝකය පුරා නිල් පැහැයෙන් ආලෝකමත් කරනු ලබයි.

නිල් පැහැය යනු පොලිස් සේවාව නියෝජනය කරන ලෝක ප්‍රසිද්ධ සංකේතයක් ලෙස සැලකේ.

සේවයේදී ජීවිතය කැප කළ වීරයන්

ලෝකයේ බොහෝ රටවල පොලිස් නිලධාරීන් තම රාජකාරි ඉටු කරන අතරතුර ජීවිත අවදානම් රැසකට මුහුණ දෙයි.

සමහරවිට එය ජීවිතය පවා කැප කිරීමට සිදු වන අවස්ථාවන් වේ.

ඒ නිසා මෙම දිනය,

• ජනතාව ආරක්ෂා කිරීමට ජීවිතය කැප කළ වීරයන්

• ඔවුන්ගේ පවුල්වල අයගේ වේදනාව

• සහ පොලිස් සේවාවේ කැපවීම

මතක් කරන සුවිශේෂ අවස්ථාවක් ලෙස සැලකේ.

“Kia maumahara – We Will Remember Them”

මෙම අවස්ථාවට එක්වෙමින් නවසීලන්තය ප්‍රකාශ කරන්නේ,

“Kia maumahara – We Will Remember Them”

එහි අර්ථය වන්නේ “අපි ඔවුන්ව සදා මතකයේ තබාගන්නෙමු” යන්නයි.