මව්වරුන්ගේ දිනයේදී ප්‍රින්ස් විලියම් විසින් ඩයනා කුමරියගේ මෙතෙක් නොදුටු ඡායාරූපයක් හෙළි කරයි.

“හැමදාමත් වගේ අදත් මගේ අම්මව මට මතක් වෙනවා.”
-විලියම් කුමරුගෙන් ආදරණීය සටහනක්-

බ්‍රිතාන්‍යයේ මව්වරුන්ගේ දිනයට සමගාමීව
Prince William විසින් තම මව වන Diana, Princess of Wales සමඟ ගත්, මෙතෙක් ජනතාවට නොපෙන්වා තිබූ පෞද්ගලික ඡායාරූපයක් සමාජ මාධ්‍ය හරහා පළ කර තිබේ.

මෙම ඡායාරූපය 1984 වසරේදී ගන්නා ලද්දක් බව සඳහන් වන අතර,
එහිදී කුඩා වියේ පසුවන විලියම් කුමරු තම මව සමඟ මල්වලින් පිරුණු වත්තක සතුටින් සිටින අවස්ථාවක් දැක්වේ.
මෙය රාජකීය පවුලේ පෞද්ගලික සංග්‍රහයෙන් ලබාගත්
පෙර කිසිදිනක ප්‍රසිද්ධ නොකළ දුර්ලභ ඡායාරූපයක් ලෙස සදහන් කර ඇත.

මෙම ඡායාරූපය සමඟ විලියම් කුමරු මෙසේ සටහන් කර තිබුණි,

“හැමදාමත් වගේ අදත් මගේ අම්මව මට මතක් වෙනවා.
තමන් ආදරය කළ මව්වරුන් අද දවසේ මතක් කරන හැමෝම ගැනත් සිහිපත් කරනවා.
සියලු මව්වරුන්ට සුභ මව්වරුන්ගේ දිනයක් වේවා.”

බ්‍රිතාන්‍යයේ මව්වරුන්ගේ දිනය සමරන අවස්ථාවේදී
රාජකීය පවුල සාමාන්‍යයෙන් පවුල් මතකයන් සහ පැරණි ඡායාරූප ජනතාව සමඟ බෙදාගැනීම සම්ප්‍රදායක් ලෙස පවතින්නක්.
මෙවර විලියම් කුමරුගේ මෙම පළ කිරීම ඩයනා කුමරියට ගෞරව දැක්වීමක් ලෙසත් මව්වරුන් නොමැතිව ජීවත්වන අය වෙනුවෙන් හැඟීම්බර පණිවිඩයක් ලෙසත් සලකනු ලැබේ.

1997 වසරේදී සිදු වූ රිය අනතුරකින් ඩයනා කුමරිය අභාවප්‍රාප්ත වන විට විලියම් කුමරුට වයස අවුරුදු 15ක් පමණ විය. ඒ හේතුවෙන් ඔහු අද දක්වාම තම මව ගැන මතකයන් බෙදාගැනීම නිතර සිදුකරන දෙයක් ලෙස සැලකේ.

මෙම ඡායාරූපය සමාජ මාධ්‍යවල විශාල අවධානයක් දිනාගෙන ඇති අතර ලොව පුරා සිටින රසිකයන් “ඩයනා කුමරිය අදටත් ජනතාවගේ හදවතේ ජීවමානයි” යනුවෙන් ප්‍රතිචාර දක්වා ඇත.

ඩයනා කුමරිය සුරූපී සේම ඉතා නිහතමානී ගෞරවාන්විත චරිතයක්. ඇය ගැන ඔබට ඇති මතක මොනවාද?