මේගන්ගේ ටියාරා ඉල්ලීම “ප්‍රතික්ෂේප” කළ රැජින.රජපවුලෙන් හෙළිවන අලුත් කතාව.

2018දී පැවැති Meghan Markle සහ Prince Harryගේ විවාහයට පෙර, බ්‍රිතාන්‍ය රජ පවුල තුළ කුඩා නමුත් වැදගත් ගැටලුවක් ඇතිවී තිබූ බව නව වාර්තා හෙළිකරයි. එම වාර්තා අනුව, රැජින Queen Elizabeth II මේගන්ගේ ටියාරා සම්බන්ධ ඉල්ලීම් පිළිබඳව කාර්ය මණ්ඩලයට “අවධානයෙන් සහ සීමාසහිතව කටයුතු කරන” ලෙසට උපදෙස් දී තිබේ.

“ටියාරාව” කියන්නේ මොකද්ද? 👑

ටියාරාව (Tiara) කියන්නේ හිසට පැළඳෙන විශේෂ ආභරණයක්. එය සාමාන්‍යයෙන් වටකුරු හෝ අර්ධ වටකුරු ආකාරයෙන් නිමවී, මැණික්, දියමන්ති වැනි මිළකළ නොහැකි දේවල් වලින් අලංකාර කරලා තියෙනවා. සරලව කියනවා නම්, ටියාරාව කියන්නේ “රැජිනක් හෝ රජ පවුලේ කාන්තාවක් හිසට පලදින ආභරණයක්” කියලා කියන්න පුළුවන්.

ගැටලුව ඇරඹුණේ කොහොමද?

රජ පවුලේ ලේලියන්‍ට සාමාන්‍යයෙන් රැජිනගේ ආභරණ එකතුවෙන් ටියාරාවක් ලබා දීම සම්ප්‍රදායකි. ඒ අනුව, Meghan Markle ද ටියාරාවක් තෝරාගැනීමට උත්සාහ කළාය.

නමුත්, එය බැලීමටවත් නැවත සකස් කිරීමටවත් වේලාවන් වෙන්කිරීමේදී ගැටලු මතුවුණා. Prince Harry පසුව කියා තිබුණේ, තමන්ට අවශ්‍ය විට ටියාරාව බලන්න ලැබුණේ නැති බවත්, කාර්ය මණ්ඩලයෙන් ප්‍රමාද ඇතිවූ බවත්ය.

රැජිනගේ ස්ථාවරය…

මෙම ගැටලුවේදී, Queen Elizabeth කාර්ය මණ්ඩලය සමඟ සිටි බව වාර්තා වේ. ටියාරාවක් කියන්නේ සාමාන්‍ය ආභරණයක් නොව, ඉතා වටිනා සහ ආරක්ෂා කළ යුතු දෙයක් බව ඇය පැහැදිලි කර තිබේ. එම නිසා, එය භාවිතා කිරීමේදී දැඩි නීති, ආරක්ෂාව සහ නිසි ක්‍රමවේද අනුගමනය කළ යුතු බවත් ඇය අවධාරණය කළාය.

ඇන්ජලා කෙලීගේ භූමිකාව….

මෙම කතාවේ වැදගත් චරිතයක් වූයේ Angela Kelly ය. ඇය රැජිනගේ ආභරණ රැකබලා ගන්නා ප්‍රධාන පුද්ගලයායි.
ඇය නීතිය අනුව කටයුතු කළ නිසා, ටියාරාව ලබාදීමේදී දැඩි නියමයන් පිළිපදින්න සිදු වුණා. ඒ නිසා Prince Harryට එය අසතුටක් වූ බවත් හෙළිවෙයි.

අවසානයේ තෝරාගත් ටියාරාව….

සියලු ගැටලු අතරතුර, Meghan Markle අවසානයේ “Queen Mary Diamond Bandeau” නම් ටියාරාව තෝරාගත්තාය. ඇය එය Windsor Castle හි පැවැති විවාහ උත්සවයේදී පැළඳ සිටියාය.

මෙය කුඩා ගැටලුවක් වගේ පේන්න පුළුවන්. නමුත්, මෙය රජ පවුල තුළ තියෙන දැඩි නීති, සම්ප්‍රදායන් සහ ඔවුන් කටයුතු කරන විදිහ හොඳින් පෙන්වන උදාහරණයක්.

ඒවගේම, Meghan Markle සහ Prince Harry රජ පවුල සමඟ පසුව ඇතිවූ ආරවුල් වල ආරම්භයටත් මෙය හේතුවූ හැකි බව විචාරකයන් පවසයි.