විදේශීය කාලීන සේවක වීසා ක්‍රමයේ සමාලෝචනයක්. රජය විසින් නව ප්‍රතිසංස්කරණයක් සැලසුම් කරයි.

නවසීලන්තයේ කෘෂිකාර්මික ක්ෂේත්‍රයට අත්‍යවශ්‍ය වන Recognised Seasonal Employer (RSE) වීසා ක්‍රමය සම්බන්ධයෙන් රජය නව සමාලෝචනයක් ආරම්භ කර තිබේ. විදේශීය වාර්තා සහ මානව හිමිකම් සංවිධාන විසින් මෙම ක්‍රමය තුළ සේවකයන්ට ඇති ගැටලු පිළිබඳ අවධානය යොමු කිරීමෙන් පසුව මෙම තීරණය ගෙන ඇත.

🔍 සේවක සුභසාධනය පිළිබඳ ගැටලු රැසක් ඉස්මතු වෙයි.

2007දී ආරම්භ කළ මෙම RSE ක්‍රමය යටතේ, ප්‍රධාන වශයෙන් පැසිෆික් දූපත් වලින් සේවකයන් නවසීලන්තයට ගෙන්වා ගන්නේ කෘෂිකාර්මික කාලීන වැඩ සඳහාය. නමුත් නව වාර්තා පෙන්වන්නේ මෙම සේවකයන්ට රැකියාව කිරීමේදී මුහුණ දීමට සිදුවන ගැටලු බොහෝමයක් ඇති බවයි.

ඔවුන් තම මව්රටින් පැමිණීමට පෙරම ඔවුන්ට ගෙවිය යුතු ගාස්තු, ගමන් වියදම් වැනි බරපතළ ආර්ථික බරක් පැටවෙන බවත්, එමෙන්ම එකම සේවාදායකයෙකුට බැඳී සිටීම නිසා ඔවුන්ට අසාධාරණ තත්වයන්ට එරෙහිව කටයුතු කිරීම ද අපහසු වන බවත් සදහන් වේ.

⚖️ ආර්ථික ලාභ සහ මානව හිමිකම් අතරත් සටනක්.

මෙම ක්‍රමය මඟින් නවසීලන්තයේ ගොවීන්ට දිගු කාලීන කම්කරු හිඟය පිරවීමට සහාය ලබාදෙන අතර, පැසිෆික් රටවල සේවකයන්ට ආදායම් උපයා ගැනීමටද අවස්ථාව උදා වෙයි. කෙසේවෙතත්, විවේචකයන් පවසන්නේ ආර්ථික වාසි ලබා ගැනීමේදී සේවක අයිතිවාසිකම් නොසළකා හැරිය නොහැකි බවයි.

🛠️ රජයේ නව සමාලෝචනයට වෙනස්කම් රැසක් එක කිරීමට අපේක්ෂිතයි.

රජය විසින් සිදුකරන මෙම සමාලෝචනයේදී පහත කරුණු විශේෂයෙන් අවධානයට ගැනීමට සැලසුම් කර ඇත:

👉🏻සේවක ආරක්ෂාව සහ ජීවන තත්ත්වය වැඩිදියුණු කිරීම.
👉🏻අසාධාරණ ලෙස සේවාව ලබාගැනීම වැළැක්වීම.
👉🏻සාධාරණ වැටුප් සහ පැහැදිලි කප්පාදු ක්‍රමයක් ස්ථාපිත කිරීම.
👉🏻සේවකයන් බඳවා ගැනීමේ ක්‍රමය නැවත සමාලෝචනය කිරීම.

මානව හිමිකම් කණ්ඩායම් සහ ජාත්‍යන්තර සංවිධාන රජයට ඉක්මන් ක්‍රියාමාර්ග ගන්නැයි ඉල්ලා සිටී. ඔවුන් පෙන්වා දෙන්නේ මෙම ගැටලු දිගටම පැවතියහොත් සේවකයන්ට තවත් ගැටළු මතුවිය හැකි බවයි.

මෙම සමාලෝචනයේ ප්‍රතිඵල අනුව, නවසීලන්තයේ කාලීන සේවක ක්‍රමය අනාගතයේ විශාල වෙනස්කමකට ලක්විය හැකි අතර, එය ලෝකයේ අනෙකුත් රටවලටද ආදර්ශයක් විය හැකි බව විශ්වාස කෙරේ.