ලෝකයේ අවධානය ඉරානය දෙසට යොමුව ඇති අවස්ථාවක, උතුරු කොරියාව සිය නැගෙනහිර මුහුදු තීරය දෙසට බැලස්ටික් මිසයිල කිහිපයක් දියත් කර ඇති බව දකුණු කොරියාව සහ ජපානය අද (19) තහවුරු කළේය.
📊 මෙය උතුරු කොරියාව විසින් මෙම වසර තුළ සිදුකළ හත්වන බැලස්ටික් මිසයිල පරීක්ෂණය වන අතර, අප්‍රේල් මාසය තුළ පමණක් සිදුකළ සිව්වන පරීක්ෂණයයි.
ස්ථානය – උතුරු කොරියාවේ ‘සින්පෝ’ නගරය අසල සිට.
වේලාව – අද උදෑසන 6:10 ට පමණ.
🔍 විශ්ලේෂකයින් පෙන්වා දෙන්නේ ඇමරිකාව මේ වන විට ඉරාන යුධමය තත්ත්වය කෙරෙහි වැඩි අවධානයක් යොමු කර ඇති බැවින්, සිය න්‍යෂ්ටික සහ මිසයිල හැකියාවන් වර්ධනය කර ගැනීමට උතුරු කොරියාව මෙය “රන්මය අවස්ථාවක්” කරගෙන ඇති බවයි.
🇯🇵 ජපානය,මිසයිල කොරියානු අර්ධද්වීපයට ඔබ්බෙන් වූ මුහුදට වැටී ඇති අතර ජපානයේ සුවිශේෂී ආර්ථික කලාපයට බලපෑමක් වී නොමැති බව පවසයි.
🇺🇳 එක්සත් ජාතීන්, මෙම පරීක්ෂණ ආරක්ෂක මණ්ඩල යෝජනා උල්ලංඝනය කිරීමක් වුවද, උතුරු කොරියාව පවසන්නේ එය තම ස්වයං ආරක්ෂාව සඳහා ඇති අයිතියක් බවයි.
⚛️ IAEA, උතුරු කොරියාව න්‍යෂ්ටික අවි නිෂ්පාදනය සම්බන්ධයෙන් ඉතා බරපතල ප්‍රගතියක් ලබා ඇති බව පරමාණුක බලශක්ති ඒජන්සියේ ප්‍රධානී රෆායෙල් ග්‍රොසි පවසයි.
🤝 ඉදිරි රාජ්‍ය තාන්ත්‍රික සාකච්ඡා
ලබන මැයි මස මැද භාගයේදී අමෙරිකානු ජනාධිපති ඩොනල්ඩ් ට්‍රම්ප් සහ චීන ජනාධිපති ෂී ජින්පින් අතර පැවැත්වීමට නියමිත සමුළුවේදී උතුරු කොරියානු අර්බුදය ප්‍රධාන මාතෘකාවක් වනු ඇතැයි අපේක්ෂා කෙරේ.
කෙසේ වෙතත්, උතුරු කොරියානු නායක කිම් ජොන් උන් මීට පෙර අවධාරණය කළේ තම රට න්‍යෂ්ටික සන්නද්ධ රාජ්‍යයක් වීම “ආපසු හැරවිය නොහැකි” කරුණක් බවයි.
0 Comments