ඉන්දියාව සහ චීනය අපායන්!ට්‍රම්ප්ගෙන් සැර ප්‍රහාරයක්. උපදින දරුවන්ට දෙන ඇමරිකානු පුරවැසිභාවය අහෝසි කරන්න සැරසෙයි!

ඇමරිකානු ජනාධිපති ඩොනල්ඩ් ට්‍රම්ප් සිය “Truth Social” ගිණුම හරහා අතිශය ආන්දෝලනාත්මක ලිපියක් පළ කරමින් ඉන්දියාව, චීනය ඇතුළු රටවල් කිහිපයක් “අපායන්” (Hellholes) ලෙස හඳුන්වා දී තිබේ. ඇමරිකාවේ දැනට පවතින “උපතින් හිමිවන පුරවැසිභාවය” (Birthright Citizenship) පිළිබඳ නීතිය දැඩි ලෙස විවේචනය කරමින් ඔහු මෙම ප්‍රකාශය සිදු කර ඇත.

පුරවැසිභාවය අවභාවිත කිරීම: විදේශිකයන් ඇමරිකාවට පැමිණ දරුවන් බිහි කිරීම හරහා ක්ෂණිකව පුරවැසිභාවය ලබා ගන්නා බවත්, පසුව එම දරුවා හරහා ඔවුන්ගේ මුළු පවුලම “ඉන්දියාව සහ චීනය වැනි අපායන්ගෙන්” ඇමරිකාවට ගෙන්වා ගන්නා බවත් ට්‍රම්ප් පවසයි.
තාක්ෂණික ක්ෂේත්‍රයේ ආධිපත්‍යය: කැලිෆෝනියාවේ සිලිකන් නිම්නය වැනි තාක්ෂණික ක්ෂේත්‍රවල රැකියා ඉන්දියානුවන් සහ චීන ජාතිකයින් විසින් අත්පත් කරගෙන ඇති බවටත් ඔහු චෝදනා කරයි.
පද්ධතිය සූරාකෑම:සංක්‍රමණිකයන් රජයේ සෞඛ්‍ය සේවා සහ සුබසාධන පහසුකම් අවභාවිත කරන බව පෙන්වා දෙන ට්‍රම්ප්, මේ නිසා ඇමරිකානු බදු ගෙවන්නන්ට විශාල බරක් පැටවෙන බව පවසයි.
ACLU ආයතනයට විරෝධය:ඇමරිකානු සිවිල් නිදහස් සංගමය (ACLU) වැනි සංවිධාන නීති විරෝධී සංක්‍රමණිකයන්ට සහාය දෙන “අපරාධකාරී” ආයතන ලෙස ඔහු හඳුන්වා දී ඇත.

ජාතික ඡන්ද විමසීමක්? 🗳️
මෙම පුරවැසි නීතිය තීරණය කළ යුත්තේ නීතිඥයන් හෝ උසාවි මගින් නොව, ජාතික ඡන්ද විමසීමක් (National Vote) හරහා ජනතාව විසින් බව ට්‍රම්ප් යෝජනා කරයි. ආණ්ඩුක්‍රම ව්‍යවස්ථාව අර්ථ නිරූපණය කිරීම වර්තමාන සංක්‍රමණික රටාවන්ට නොගැළපෙන බව ඔහුගේ ස්ථාවරයයි.