මේ දිනවල ඔබ වෙලින්ටන් නගරයේ හෝ ඒ අවට ජීවත් වන්නේ නම්, අප්රේල් මාසයේ ඇති වූ දැඩි වර්ෂාවෙන් පසු පවතින අවදානම් තත්ත්වයන් කළමනාකරණය කිරීමට මෙම කරුණු සැලකිල්ලට ගන්න.
කුණු සහ අපද්රව්ය ඉවත් කිරීම
අප්රේල් කුණාටුවෙන් හානියට පත් අපද්රව්ය එකතු කිරීමේ කටයුතු නගර සභාව මගින් දැනටමත් ආරම්භ කර ඇත.
අපද්රව්ය තැබීම – හානියට පත් ගෘහ භාණ්ඩ, කාපට් සහ අනෙකුත් අපද්රව්ය පදික වේදිකාව අසල පිළිවෙළකට තබන්න. පදිකයින්ට හෝ වාහන වලට බාධා නොවන සේ තැබීමට වගබලා ගන්න.
භයානක අපද්රව්ය – ඇස්බැස්ටෝස්, රසායනික ද්රව්ය, ලිතියම් බැටරි සහ ගෑස් ටැංකි සාමාන්ය අපද්රව්ය සමඟ දැමීමෙන් වළකින්න. මේවා දැඩි සෞඛ්ය සහ ගිනි අවදානමක් ඇති කරයි.
උදව් අවශ්ය නම් – අපද්රව්ය මලු පිරවීමට හෝ ඉවත් කිරීමට අපහසු අය සඳහා Taskforce Kiwi සහාය ලබා දීමට සූදානම්ය. දුරකථන: 04 801 3737.
නායයෑම් අවදානම
අධික වර්ෂාව නිසා පස බුරුල් වී ඇති බැවින් තවමත් නායයෑම් අවදානමක් පවතී. පහත ලක්ෂණ ගැන විමසිලිමත් වන්න:
නිවසේ දොර ජනෙල් හිරවීම හෝ නිසි ලෙස වැසීමට නොහැකි වීම.
බිත්තිවල හෝ බිම අලුතින් ඉරිතැලීම් ඇතිවීම.
ගස්, වැටවල් හෝ තාප්ප ඇලවීම.
කන්දක් පාමුලින් අසාමාන්ය ලෙස ජලය ගලා ඒම.
හදිසි අවස්ථාවකදී වහාම 111 අමතන්න.
ආහාර සහ නවාතැන් සහාය
ඔබ ආහාර හෝ මූල්යමය අපහසුතාවයකින් පසුවේ නම්, පහත ආයතන වලින් සහාය ලබා ගත හැක:
Wellington City Mission – නොමිලේ ආහාර ද්රව්ය ලබා ගත හැකි සමාජ සුපිරි වෙළඳසැලක් ක්රියාත්මක කරයි.
Compassion Soup Kitchen – උදෑසන සහ රාත්රී ආහාර වේල් නොමිලේ ලබා දෙයි.
Mayoral Relief Fund – විපතට පත් ජනතාව සඳහා නගරාධිපති සහන අරමුදලක් පිහිටුවා ඇත. Wellington City Mission වෙබ් අඩවිය හරහා අයදුම් කළ හැක.
මානසික සෞඛ්යය සහ සහයෝගය
පවතින තත්ත්වයත් සමඟ ඔබ මානසිකව වෙහෙසට පත්ව සිටී නම්, කතා කිරීමට කෙනෙකු අවශ්ය නම් පහත අංක භාවිතා කරන්න:
1737 අමතන්න හෝ පණිවිඩයක් එවන්න (24/7 නොමිලේ).
Youthline:0800 376 633.
වැදගත් දැනුම්දීමයි!
වෙලින්ටන් සහ වයිරාරාපා (Wairarapa) ප්රදේශවල පනවා තිබූ හදිසි තත්ත්වය මේ වන විට ඉවත් කර ඇතත්, තවමත් ප්රතිසාධන කාලසීමාවක් ප්රකාශයට පත් කර ඇත. එබැවින් අවදානම සම්පූර්ණයෙන්ම පහව ගොස් නැති බව මතක තබා ගන්න.
නිතරම MetService හරහා කාලගුණ වාර්තා පරීක්ෂා කරන ලෙසත්, නගර සභාවේ නිල ෆේස්බුක් පිටුව සමඟ සම්බන්ධ වී සිටින ලෙසත් දන්වා සිටිමු.
0 Comments