නවසීලන්ත අහසේ දැනට දිස්වන ඉතා දුර්ලභ වල්ගා තරුවක් නැරඹීමට සහ ඡායාරූප ගත කිරීමට නවසීලන්ත වැසියන්ට සුවිශේෂී අවස්ථාවක් උදා වී තිබේ. C/2025 R3 PanSTARRS ලෙස හැඳින්වෙන මෙම වල්ගා තරුව වසර ලක්ෂ එකහමාරකට අධික කාලයකට පසුව පෘථිවියට දර්ශනය වන බව තාරකා විද්‍යාඥයෝ පවසති.
කුමක්ද මේ වල්ගා තරුව? 
නම – C/2025 R3 PanSTARRS
කාල සීමාව – වසර 170,000කට වරක් පමණක් පෘථිවිය අසලින් ගමන් කරයි.
පැමිණීම – සෞරග්‍රහ මණ්ඩලයේ කෙළවර පිහිටි Oort Cloudනම් දුරස්ථ ප්‍රදේශයේ සිට පැමිණ ඇත.
නරඹන්නේ කොහොමද?
මෙම වල්ගා තරුව නිරුවත් ඇසට පැහැදිලිව දර්ශනය නොවන නමුත්, නිවැරදි උපකරණ භාවිතා කර ඔබට එය නැරඹිය හැකිය
උපකරණ:දුරදක්නයක් , ටෙලස්කෝපයක් හෝ හොඳ කැමරාවක් (DSLR/Mirrorless) තිබීම අත්‍යවශ්‍ය වේ.
ජංගම දුරකථන: නවීන ස්මාර්ට් ජංගම දුරකථනයක ‘Long Exposure’ පහසුකම භාවිතයෙන් වල්ගා තරුවේ වල්ගය සහිත ඡායාරූපයක් ලබා ගැනීමට උත්සාහ කළ හැකිය.
—
බලන්න ඕනේ කොහේටද?
1.දිශාව – හිරු බැස ගොස් පැයකට පමණ පසු බටහිර ක්ෂිතිජය දෙස බලන්න.
2.ස්ථානය – බටහිර වෙරළ තීරයක් වැනි බාධාවලින් තොර විවෘත ප්‍රදේශයක් තෝරා ගැනීම වඩාත් සුදුසුය.
3.කාලය:තවත් සතියක හෝ දින 10ක පමණ කාලයක් මෙය දර්ශනය වනු ඇති අතර, ඉන්පසු එය හිරුගෙන් ඈතට ගමන් කරමින් ක්‍රමයෙන් නොපෙනී යනු ඇත.
0 Comments