📍 ලොව සුප්‍රකට සෙල්ලම් බඩු නිෂ්පාදන දැවැන්තයෙකු වන ලෙගෝ සමාගම සහ නවසීලන්තයේ ආරම්භ කරන ලද සුරූ සමාගම අතර කාලයක් තිස්සේ පවතින වෙළඳ ලකුණු සටන යළිත් කරළියට පැමිණ තිබේ. ඒ, මෙම නඩුව සම්බන්ධයෙන් ඉදිරි ක්‍රියාමාර්ග ගැනීමට නවසීලන්ත ශ්‍රේෂ්ඨාධිකරණය විසින් ලෙගෝ සමාගමට අවසර ලබා දීමත් සමඟයි.
📍 මෙම ආරවුලට මුල් වී ඇත්තේ සුරූ සමාගම විසින් නිෂ්පාදනය කරනු ලබන ‘MAX Build More’ සෙල්ලම් බඩු පැකට්ටුවල සඳහන් කර ඇති “LEGO®️ BRICK COMPATIBLE” යන කෙටි වාක්‍ය ඛණ්ඩයයි. තම වෙළඳ ලකුණ මෙලෙස භාවිත කිරීම නීති විරෝධී බව ලෙගෝ සමාගම පවසයි.
📍 මින් පෙර අභියාචනාධිකරණයේදී මෙම නඩුවෙන් සුරූ සමාගම ජයග්‍රහණය කර තිබූ අතර, එහිදී මීට පෙර මහාධිකරණය ලබා දී තිබූ තීන්දුවක් පවා වෙනස් විය. කෙසේ වෙතත්, ශ්‍රේෂ්ඨාධිකරණයේ නව තීරණයත් සමඟ ලෙගෝ සමාගමට යළිත් අභියාචනාධිකරණය හමුවේ කරුණු දැක්වීමට අවස්ථාව උදා වී තිබේ.
📍 මෙම නඩුවේ අවසන් තීන්දුව බුද්ධිමය දේපළ නීතිය සහ වෙළඳ ලකුණු ආරක්ෂා කිරීම සම්බන්ධයෙන් අනාගතයේදී ඉතා වැදගත් බලපෑමක් ඇති කරනු ඇතැයි විද්වතුන් පවසති. ලෝක ප්‍රසිද්ධ සන්නාමයක් සහ නවසීලන්තයෙන් බිහි වූ සාර්ථක සමාගමක් අතර පවතින මෙම ගැටුම දෙස ලෝකයේම අවධානය යොමු වී පවතී.
0 Comments