“අපිට ප්‍රමාණවත් තරම් දරුවන් නැහැ” – නවසීලන්ත පාර්ලිමේන්තුව උණුසුම් කළ ආගමන විගමන ඇමතිවරියගේ ප්‍රකාශය 👶🇳🇿

📍 නවසීලන්ත පාර්ලිමේන්තුවේ ප්‍රශ්න විචාරක වාරය අතරතුර ආගමන විගමන අමාත්‍ය Erica Stanford කළ ප්‍රකාශයක් හේතුවෙන් ආණ්ඩු පක්ෂය සහ විපක්ෂය අතර දැඩි උණුසුම්කාරී තත්ත්වයක් හටගෙන තිබේ. රටේ ජනගහනය ස්ථාවරව පවත්වා ගැනීමට තරම් ප්‍රමාණවත් දරුවන් සංඛ්‍යාවක් මෙරට තුළ බිහි නොවන බව ඇය එහිදී අවධාරණය කළාය.

📍 නවසීලන්තයේ වත්මන් උපත් අනුපාතය කාන්තාවකගෙන් දරුවන් 1.6ක් වැනි අඩු මට්ටමක පවතින බවත්, ජනගහනය ස්ථාවරව තබා ගැනීමට එය අවම වශයෙන් 2.1ක් විය යුතු බවත් අමාත්‍යවරිය පෙන්වා දුන්නාය. දේශීයව දරුවන් බිහි නොවන තාක් කල්, රටේ ආර්ථිකය සහ ජනගහනය පවත්වාගෙන යාමට විදේශීය සංක්‍රමණිකයන් Immigration මත අනිවාර්යයෙන්ම යැපීමට සිදුවන බව ඇය වැඩිදුරටත් සඳහන් කළාය.

📍 මෙම ප්‍රකාශයත් සමඟ සභාවේ දැඩි ඝෝෂාකාරී තත්ත්වයක් ඇති වූ අතර, විපක්ෂ මන්ත්‍රීවරුන් සහ ආණ්ඩු පක්ෂ මන්ත්‍රීවරුන් එකිනෙකාට චෝදනා එල්ල කර ගත්හ. විශේෂයෙන්ම මීට පෙර ලේබර් පක්ෂය විසින් “චීන නම්” (Chinese-sounding names) පදනම් කරගෙන එල්ල කළ ආගමන විගමන විවේචන පිළිබඳවද මෙහිදී යළිත් මතක් කරමින් දෙපාර්ශවයම වාද විවාදවල පැටලුණි.

⚠️ නවසීලන්තයේ උපත් අනුපාතය අඩුවීම ඉදිරියේදී එරට රැකියා වෙළඳපොළට සහ ආර්ථිකයට දැඩි බලපෑමක් එල්ල කළ හැකි බරපතල ප්‍රශ්නයක් බවයි රජයේ ස්ථාවරය වී ඇත්තේ.