නවසීලන්තයේ කෘෂිකාර්මික ක්ෂේත්‍රයේ දැවැන්ත පෙරළියක් සිදු කරමින්, Gisborne ප්‍රදේශයේ පැවැති වාර්ෂික ගව වෙන්දේසියකදී එක් Angus වර්ගයේ බෝ කිරීමේ ගොනෙකු (Stud Bull) නවසීලන්ත ඩොලර් 220,000 ක (ශ්‍රී ලංකා රුපියල් කෝටි 4 කට අධික) අතිදැවැන්ත මුදලකට අලෙවි වී තිබේ. මෙය නවසීලන්ත ඉතිහාසයේ ගවයෙකු වෙනුවෙන් ගෙවන ලද ඉහළම සර්වකාලීන වාර්තාගත මිල (Record-breaking sale) වේ.
🔴 කවුද මේ ‘කෝටි 4ක’ සුපිරි ගොනා?
“Tangihau Angus” ගොවිපළ මගින් ඉදිරිපත් කරන ලද මෙම ගොනා, එහි ඇති විශිෂ්ට ජානමය සෞඛ්‍යය (Superior Genetics), ශරීරයේ මස් පිඬු සැකැස්ම සහ උසස් තත්ත්වයේ පැටවුන් බිහි කිරීමේ සුවිශේෂී හැකියාව නිසා වෙන්දේසියට පැමිණි ගැනුම්කරුවන්ගේ දැඩි අවධානයට ලක් විය. වෙන්දේසියේ මිටිය නාද වන විට, මෙතෙක් පැවති පැරණි වාර්තා සියල්ල බිඳ හෙළමින් මෙම ඓතිහාසික මිල සටහන් විය.
මෙම මිලදී ගැනීම සිදු කර ඇත්තේ දකුණු දූපතේ පිහිටි ප්‍රමුඛ පෙළේ ගොවිපලවල් කිහිපයක් එකමුතුව පිහිටුවා ගත් සන්ධානයක් විසිනි. ඔවුන් පවසන්නේ මෙම ගොනා වෙනුවෙන් ආයෝජනය කළ මුදල, ඉදිරි පරම්පරාවල උසස් තත්ත්වයේ ගවයන් බිහි කිරීම හරහා ඉතා ඉක්මනින් උපයා ගත හැකි බවයි.
0 Comments