තම වසරක් වයසැති බිලිඳා සමඟ යුරෝපයේ සංචාරයක නිරත වීමට පැමිණි මවකට, British Airways ගුවන් සේවයේ පරිගණක පද්ධතියේ ඇති වූ දෝෂයක් හේතුවෙන් Auckland ගුවන් තොටුපළේදී දැඩි අසරණභාවයකට මුහුණ දීමට සිදු විය. Fleur Lonsdale නමැති මෙම මව තම මවගේ උපන්දිනය සැමරීම සඳහා Oaklay නමැති බිලිඳා සමඟ පැය 35ක දීර්ඝ ගුවන් සංචාරයක් ආරම්භ කිරීමට සූදානම් වූ මොහොතේ, ගුවන් සේවයේ නිලධාරීන් විසින් දරුවාට ගුවන් යානයට ගොඩවීමට අවසර දීම ප්රතික්ෂේප කරන ලදී. පෙබරවාරි මාසයේදී British Airways වෙබ් අඩවිය හරහා ටිකට්පත් වෙන්කරවා ගැනීමේදී පරිගණක පද්ධතිය මගින් දරුවාගේ නම අසම්පූර්ණ ලෙස සටහන් වී තිබූ අතර, ඒ පිළිබඳව මීට පෙර ගුවන් සේවයේ පාරිභෝගික සේවාව දැනුවත් කළ අවස්ථාවේදී එය අභ්යන්තර දෝෂයක් බවත් ගුවනට නැගීමේදී කිසිදු බාධාවක් නොවනු ඇති බවත් නිලධාරීන් ඇයට සහතික වී තිබිණි.
කෙසේ වෙතත්, ගුවන් තොටුපළේදී එම නිලධාරීන් ලබා දුන් පොරොන්දුව නොසලකා හරිමින් ගුවන් සමාගමේ නිල නම සංශෝධන පත්රිකාවක් නොමැතිව දරුවාට ගමන් කිරීමට ඉඩ දිය නොහැකි බව ගුවන් තොටුපළ ආරක්ෂක නිලධාරීන් ප්රකාශ කළහ. මෙම ගැටලුව විසඳා ගැනීමට අසරණ වූ මව ගුවන් තොටුපළේ සිටම පැය ගණනාවක් පාරිභෝගික සේවාව ඇමතීමට උත්සාහ කළ අතර, ඇගේ ඇමතුමකට සම්බන්ධ වූ එක් නිලධාරියෙකු සේවා මුරය අවසන් වූ බව පවසමින් ඇමතුම විසන්ධි කිරීම නිසා ඇය දැඩි ලෙස අසරණ වූවාය.
පසුව උසස් නිලධාරියෙකුගේ මැදිහත්වීම මත පසුදින වෙනත් ගුවන් යානයකින් ඔවුන්ට පහසුකම් සැලසූ අතර, සිදු වූ අතපසුවීමට වගකීම භාරගත් British Airways සමාගම මගීන්ට සිදු වූ අපහසුතාව පිළිබඳ කණගාටුව පළ කරමින් රාත්රී නවාතැන්, ආහාර සහ වන්දි වවුචරයක් ලබා දීමට පියවර ගත්තේය.
0 Comments