නවසීලන්තයම කැලඹූ ආගමික ක්ෂේත්‍රයේ අපයෝජන සිද්ධිය!

දශක ගණනාවක් පුරා ආගමික සේවයේ නිරතව සිට 2014 වසරේදී මියගිය ඩේවිඩ් වෙනට්වර්ත් පීම් (David Wentworth Pimm) නමැති පූජකවරයා Laමා ලිංගික අpaයෝජකයෙකු බව ප්‍රෙස්බිටේරියානු සභාව (Presbyterian Church) විසින් ප්‍රසිද්ධියේ අනාවරණය කිරීමත් සමඟ, ඔහුගෙන් හිංසනයට ලක්වූ තවත් වින්දිතයන් පිරිසක් තමන්ට මුහුණ පෑමට සිදුවූ අමිහිරි අත්දැකීම් හෙළි කිරීමට ඉදිරිපත්ව සිටිති.

මෙතෙක් රහසක්ව පැවති මෙම ඓතිහාසික අපරාධයන් හෙළිදරව් කරමින් පූජකවරයාගේ නම මෙන්ම ඔහු සේවය කළ ප්‍රදේශ පිළිබඳ තොරතුරු ප්‍රසිද්ධ කිරීමට සභා නායකත්වය පියවර ගත්තේ, ආයතනිකව වසන් කර තිබූ අසාධාරණයන් පිටුදැකීමේ අරමුණිනි. අතීතයේදී වින්දිතයන්ගේ චෝදනා බැහැර කිරීම, ඔවුන්ගේ හඬ යටපත් කිරීම සහ වැරදිකරුවන්ට ක්ෂමා කරන ලෙස බලපෑම් කිරීම වැනි බරපතල අතපසුවීම් සිදුවූ බව පිළිගත් සභාව, ඒ පිළිබඳව සිය කනගාටුව පල කරමින් විධිමත් ලෙස පැමිණිලි කිරීමේ මාර්ග පද්ධතියක් ද ස්ථාපිත කර ඇත.

නවසීලන්තය පුරා විසිරී පැවති ටිටෝකි, ටංගිටෙරෝරියා, මුරුපාරා සහ ගලටියා ඇතුළත් දකුණු උරෙවේරා කලාපය, ඔටාගෝහි ලෝඩර් සහ කෙල්සෝ, රිවර්ස්ඩේල්, අකරෝවා මෙන්ම 1980 දශකයේ මැද භාගයේදී විශ්‍රාම යන තෙක් පාමර්ස්ටන් නෝර්ත් හි සාන්ත ජෝන් සභාව ඇතුළු ප්‍රදේශ රැසක මෙම පූජකවරයා සේවය කර තිබේ.

සභා පාලනයේ සහ අධීක්ෂණයේ පැවති දුර්වලතා හේතුවෙන් වගකීම්සහගත ආයතනයක් තුළ මෙවැනි බරපතල අපරාධ වසර ගණනාවක් පුරා වසන් වී තිබූ ආකාරය මෙයින් පැහැදිලි වේ. මෙලෙස සත්‍යය කරළියට පැමිණීමත් සමඟ වින්දිතයන්ට අවශ්‍ය සාධාරණය සහ සහනය සැලසීම වෙනුවෙන් ආයතනික හා සමාජයීය මට්ටමින් ගතයුතු ක්‍රියාමාර්ග පිළිබඳව දැඩි අවධානයක් යොමු වී ඇත.