නවසීලන්තයේ 18 හැවිරිදි තරුණයෙකුගේ අවාසනාවන්ත මරණය පිළිබඳ වාර්තාවක් නිකුත් කරමින් මරණ පරීක්ෂකවරියක් අන්තර්ජාල ආරක්ෂාව පිළිබඳ දැඩි අවවාදයක් නිකුත් කර තිබේ. “Sextortion” ලෙස හඳුන්වන අන්තර්ජාල වංචාවක් හේතුවෙන් මෙම තරුණයා දැඩි මානසික පීඩනයකට ලක්වී තම ජීවිතය අහිමි කරගත් බව අනාවරණය වී ඇත.
⚠️ “Sextortion” කියන්නේ මොකක්ද?
“Sextortion” කියන්නේ අන්තර්ජාලය හරහා කෙනෙකුගේ පෞද්ගලික හෝ අශෝභන ඡායාරූප/වීඩියෝ ලබාගෙන ඒවා ප්රචාරය කරන බවට තර්ජනය කර මුදල් හෝ වෙනත් දේ ඉල්ලන වංචාවකි. බොහෝ විට වංචාකරුවන් කාන්තාවක් ලෙස හෝ හිතවත් පුද්ගලයෙකු ලෙස රගපාමින් මෙවැනි සම්බන්ධතා ආරම්භ කරයි.
💔 සිදුවූ අවාසනාවන්ත සිදුවීම
මෙම තරුණයා සමාජ මාධ්ය මඟින් අඳුනගත් පුද්ගලයෙකු සමඟ කතාබහක් ආරම්භ කර ඇත. එම පුද්ගලයා කාන්තාවක් ලෙස රගපාමින් ඔහුගෙන් පෞද්ගලික ඡායාරූප ලබාගෙන ඇත.
ඉන් පසුව, එම ඡායාරූප ඔහුගේ පවුලේ අය සහ යහළුවන්ට යැවීමට තර්ජනය කරමින් ඩොලර් 5000ක් ඉල්ලා ඇත.
මෙම තර්ජන හේතුවෙන් තරුණයා දැඩි ලෙස බියට, ලජ්ජාවට සහ මානසික පීඩනයකට ලක්වී කෙටි කාලයකින්ම තම ජීවිතය අහිමි කරගෙන ඇත. පොලීසිය පවසන්නේ මෙම වංචාව ඔහුගේ මරණයට ප්රධාන හේතුව වූ බවයි.
🌍 මෙවැනි වංචනික ක්රියා විශාල වශයෙන් පැතිරයාම ගැටළුවක් වී ඇත…
පරීක්ෂණවලින් හෙළිවී ඇත්තේ මෙම වංචාකරුවන් විදේස් රටක සිට ක්රියාත්මක වන බවයි. එමෙන්ම එම පුද්ගලයා තවත් බොහෝ තරුණයන්ටද මෙවැනිම පණිවිඩ යවා ඇති බවට සැක පළ කරයි.
නවසීලන්ත පොලීසිය සඳහන් කරන්නේ ඔවුන්ට සතියකට මෙවැනි සිද්ධීන් 10කට පමණ මුහුණ දීමට සිදුවන බවයි. බොහෝ විට ඉලක්ක වන්නේ වයස අවුරුදු 16–20 වයස් කාණ්ඩයේ තරුණයන්ය.
🛑 මරණ පරීක්ෂකවරියගෙන් දැඩි අවවාදයක්….
මෙම සිද්ධිය “ඉතා සැලසුම් සහගත ලෙස සිදුකරන ලද අන්තර්ජාල අපරාධයක්” ලෙස විස්තර කරමින්, තරුණයින්ට සහ දෙමාපියන්ට වැඩි දැනුවත්භාවයක් ලබාදීම අත්යවශ්ය බව ඇය මෙහිදී වැඩිදුරටත් අවධාරණය කළාය.
ඇය පැවසුවේ මෙවැනි අවස්ථාවල එය නොසගවා ඉක්මනින් උදව් ඉල්ලා ගැනීම ජීවිත රැකගැනීමට අතිශය වැදගත් බවයි.
මෙම සිදුවීම අන්තර්ජාලයේ සැඟවුණු අවදානම් ගැන තරුණයන්ට සහ දෙමාපියන්ට වැදගත් පාඩමක් උගන්වයි.. වංචාවට ලක්වූවන් වැරදිකරුවන් නොවේ නමුත් ඔවුන්ට උදව් අවශ්යයි. තවද අප සියලුදෙනාම සූක්ෂමව, දැනුවත්ව අන්තර්ජාලය භාවිතා කිරීමෙන් මෙවැනි අවාසනාවන්ත සිදුවීම් වළක්වාගත හැකිය.
0 Comments