නවසීලන්තයේ ඉන්ධන මිල ශීඝ්රයෙන් ඉහළ යාම හේතුවෙන් එළඹෙන සඳුදා ආරම්භ වන නව පාසල් වාරය සඳහා තම දරුවන් යැවීමට ග්රාමීය ප්රදේශවල පවුල් දැඩි මූල්ය දුෂ්කරතාවයකට මුහුණ දී සිටින බව වාර්තා වේ.
ග්රාමීය ප්රදේශවල දෙමාපියන්ට සිය දරුවන් පාසලට රැගෙන යාම සඳහා අවම වශයෙන් පැය භාගයකට වඩා වැඩි දුරක් ගමන් කිරීමට සිදු වේ. පොදු ප්රවාහන සේවා නොමැතිකම නිසා පුද්ගලික වාහන භාවිත කිරීම අනිවාර්ය වී ඇත.
ඉන්ධන සඳහා වැය වන අධික පිරිවැය දරාගත නොහැකි වීම හේතුවෙන් දරුවන්ගේ පාසල් පැමිණීම පවා අභියෝගයට ලක් විය හැකි බව ‘Rural Women’ සංවිධානයේ විධායක නිලධාරී සැන්ඩ්රා කර්බි පවසයි.
ඉන්ධන ඉතිරි කර ගැනීම සඳහා ක්රීඩා පුහුණුවීම්, අමතර පන්ති සහ වෙනත් බාහිර ක්රියාකාරකම් සඳහා දරුවන් රැගෙන යාම දෙමාපියන් විසින් දැනටමත් සීමා කරමින් පවතී.
ඉන්ධන මිල ඉහළ යාම සහන ගුරුවරුන්ට සහ සහායක කාර්ය මණ්ඩලයට ද බලපාන බැවින්, ඔවුන් ග්රාමීය පාසල් වෙත පැමිණීම සීමා වනු ඇතැයි ද කනස්සල්ලක් පවතී.
මේ වන විටත් ප්රජා උත්සව කිහිපයක් පවා අවලංගු කිරීමට සිදුව ඇති අතර, පිරිවැය අවම කර ගැනීම සඳහා ‘Carpooling’ (එක් වාහනයක පිරිසක් එක්ව ගමන් කිරීම) ක්රමය අනුගමනය කරන ලෙසත්, අසල්වැසියන් පිළිබඳව විමසිලිමත් වන ලෙසත් ග්රාමීය ප්රජාවගෙන් ඉල්ලා සිටී.
0 Comments