නවසීලන්තය හා චීනය අතර ගුවන් ගැටුමක්!

චීනය, නවසීලන්ත ගුවන් හමුදාව විසින් තම ගුවන් අවකාශය ආසන්නයේ “නිරීක්ෂණ කටයුතු සහ හිරිහැර” සිදු කළ බවට චෝදනා කරමින් දැඩි විරෝධයක් ඉදිරිපත් කර තිබේ. එහෙත් New Zealand Defence Force මෙම චෝදනා සම්පූර්ණයෙන් ප්‍රතික්ෂේප කරයි.

🚨 චීනයේ “ආරක්ෂාවට අනතුරක්” යනුවෙන් චෝදනාවක්.

චීන විදේශ කටයුතු අමාත්‍යාංශයේ මාධ්‍ය ප්‍රකාශක Guo Jiakun පවසන්නේ, නවසීලන්ත ගුවන් හමුදාවට අයත් P-8A ගුවන් යානය Yellow Sea සහ East China Sea ප්‍රදේශ අසලින් නිරීක්ෂණ මෙහෙයුම් සිදු කරමින් චීනයේ ආරක්ෂාවට හානි කළ බවයි.

ඔහුට අනුව, මෙම ක්‍රියාමාර්ග හේතුවෙන්:

👉🏻වැරදි අවබෝධ (misunderstanding) ඇතිවීමේ අවදානම වැඩිවී ඇත
👉🏻ගුවන් ගමනාගමන ආරක්ෂාවට බාධා වී ඇත
👉🏻කලාපීය ස්ථාවරත්වයට අභියෝගයක් වී ඇත

චීනය මේ සම්බන්ධයෙන් නවසීලන්තයට දැඩි විරෝධය දක්වා ඇති බවද ඔහු මෙහිදී සඳහන් කළේය.

⚠️ ආරක්ෂක අංශයෙන් තවත් දැඩි ප්‍රකාශයක්.

චීන ජාතික ආරක්ෂක අමාත්‍යාංශ ප්‍රකාශක Zhang Xiaogang පවසන්නේ, මෙවැනි ක්‍රියා “අසම්මත හා අනතුරුදායක” බවයි. ඔහු අවධාරණය කළේ, මෙවැනි ක්‍රියා නිසා ගුවන් හෝ නාවික අනතුරු සිදුවීමේ අවදානම පවා ඇතිවිය හැකි බවයි.

🛩️“UN නියෝග අනුව ක්‍රියා කරයි” නවසීලන්තයෙන් ප්‍රතිචාරයක්.

මෙම චෝදනාට ප්‍රතිචාර දක්වමින් New Zealand Defence Force පැවසුවේ, තම P-8A ගුවන් යානා මෙහෙයුම් සිදු කරන්නේ United Nations Security Council නියෝග අනුව උතුරු කොරියාවට එරෙහි සම්බාධක අධීක්ෂණය කිරීම සඳහා බවයි.

එමෙන්ම, මෙම මෙහෙයුම්:

👉🏻චීනයට එරෙහිව නොවන බවත්
👉🏻2018 සිට දිගටම සිදු වන බවත්
👉🏻ජාත්‍යන්තර නීති සහ ගුවන් ගමනාගමන නීති අනුව සිදු කරන බවත් දැනුම් දී ඇත.

🔍 “ගුවන් ගමනාගමනයට බාධාවක් නැහැ” – NZDF කියයි

නවසීලන්ත ආරක්ෂක බලකාය සඳහන් කළේ, තමන් පියාසර මාර්ග සහ සියලු දත්ත සමාලෝචනය කර ඇති අතර, ගුවන් ගමනාගමනයට බාධා කළ බවට කිසිදු සාක්ෂියක් නොමැති බවයි.

මෙම තත්ත්වය සම්බන්ධයෙන් නවසීලන්තය සහ චීනය අතර දූත මට්ටමේ සංවාද පැවැත්වෙමින් ඇති අතර, නවසීලන්තය තම මෙහෙයුම් පැහැදිලිව විස්තර කර ඇති බව සඳහන් වේ.