නවසීලන්තයේ විදුලි නීති වෙනස ඔබටත් බලපායිද?

නවසීලන්තයේ විදුලි ආරක්ෂාවට සම්බන්ධ විවාදයට ලක් වූ නීති වෙනසක් පිළිබඳව රජය නැවත සමාලෝචනයක් සිදු කිරීමට එකඟ වී තිබෙනවා. විදුලි පරීක්ෂකයන් සහ කර්මාන්ත නියෝජිතයන් මෙම නීති වෙනස ජීවිත අවදානමට ලක් කළ හැකි බවට දැඩි අනතුරු ඇඟවීම් කර තිබෙනවා.

මොකක්ද මේ නීති වෙනස?

2025 නොවැම්බර් 13 සිට ක්‍රියාත්මක වූ Electricity (Safety) Amendment Regulations 2025 යටතේ, පෙර තහනම් කර තිබූ ප්‍රධාන earthing (භූ සම්බන්ධතා) පද්ධතියට switch, circuit breaker හෝ fuse එකතු කිරීම සඳහා අවසර ලබා දී තිබෙනවා.

අවදානම මොකක් කියලා කර්මාන්තය කියන්නේ?

විදුලි පරීක්ෂකයන් පවසන්නේ,

PEN conductor (Protective Earth Neutral) කියන්නේ විදුලි පද්ධතියේ වඩාත්ම වැදගත් වයර් එක.

එය කැඩුණොත් හෝ switch-off කළොත්, ගොඩනැගිල්ලේ භූ සම්බන්ධතාවය සෘජුවම ඉහළ විදුලි වෝල්ටේජ් එකකට යා හැකිය.

ඒ නිසා විදුලි කම්පන, මරණය දක්වාම අවදානම් තත්ත්වයන් ඇතිකළ හැකිය.

දෝෂයක් නොමැති, නීතිගත විදුලි ස්ථාපනයක් පවා මාරාන්තික විය හැකි බව ඔවුන් කියනවා.

WorkSafe කියන්නේ මොනවද?

WorkSafe පවසන්නේ මෙම නීති වෙනස,

Electric Vehicle (EV) charging ආරක්ෂිත ලෙස සිදු කිරීමට,

ස්වාභාවික විපත් අවස්ථාවල generator භාවිතය පහසු කිරීමට,

අත්‍යවශ්‍ය බවයි.

නමුත් කර්මාන්තය පවසන්නේ ආරක්ෂාවට වඩා අවදානම වැඩි බවයි.

රජයේ ප්‍රතිචාරය

බල ශක්ති අමාත්‍ය Simon Watts පැවසුවේ,

කර්මාන්ත වලින් එල්ලවන අනතුරු ඇඟවීම් ගැඹුරු ලෙස සලකා බැලෙන බව

WorkSafe විසින් ජාත්‍යන්තර විශේෂඥ සමාලෝචනයක් ආරම්භ කර ඇති බව

එහි ප්‍රතිඵල අනුව ඉදිරි තීරණ ගන්නා බව සදහන්.

ඇයි මේක වැදගත්?

EV charging වැඩි වෙමින් යන වෙලාවක

නිවාස සහ ව්‍යාපාරවල විදුලි ආරක්ෂාව

එක නීති වෙනසකින් මරණ අවදානමක් ඇති විය හැකි බව කර්මාන්තය කියන නිසා

රජයම මේක නැවත සමාලෝචනය කිරීම විශේෂත්වයක්.

ඔබේ අදහස මොකක්ද?

විදුලි ආරක්ෂාවට මුල් තැන දිය යුතුද, නැත්නම් EV charging පහසුව වැදගත්ද?

කමෙන්ට් කරලා ඔබේ අදහස කියන්න!

දිනපතා පුවත් ඉක්මනින් දැනගැනීමට www.lakkiwi.nz වෙත පිවිසෙන්න.