වර්තමාන තරඟකාරී ලෝකයේ බොහෝ දෙනෙකුගේ සිහිනයක් වන්නේ වයස අවුරුදු 65 වන තෙක් බලා නොසිට, හැකි ඉක්මනින් රැකියාවෙන් විශ්රාම ගෙන තමන් ප්රිය කරන දේ සඳහා කාලය වැය කිරීමයි. නමුත්, “ඉක්මනින් විශ්රාම ගැනීම” (Early Retirement) යනු හුදෙක් රැකියාව නැවැත්වීම පමණක් නොව, එය මනා මූල්ය විනයක් සහ සැලසුම්කරණයක් මත පදනම් වූවකි.
නවසීලන්තයෙන් නිකුත් වූ නවතම වාර්තා ඇසුරින්, ඔබගේ විශ්රාම සිහිනය සැබෑ කරගැනීමට අවශ්ය මූලික මූලධර්ම කිහිපයක් මෙන්න.
- මූල්ය නිදහස සඳහා “25 ගුණාකාර නියමය” (The 25x Rule)
විශ්රාම සැලසුම්කරණයේදී ලොව පුරා මූල්ය විශේෂඥයන් භාවිතා කරන ප්රධානතම මිනුම්දණ්ඩක් වන්නේ 25 ගුණාකාර නියමයයි. මෙයින් අදහස් කරන්නේ ඔබ විශ්රාම ගිය පසු වසරකට වැය කිරීමට අපේක්ෂිත මුදල මෙන් 25 ගුණයක ඉතිරියක් ඔබ සතු විය යුතු බවයි.
උදාහරණයක් ලෙස:ඔබට විශ්රාමික ජීවිතයේදී වසරකට රුපියල් ලක්ෂ 12ක් (මසකට රුපියල් ලක්ෂයක්) වැය වේ යැයි උපකල්පනය කළහොත්:
අවශ්ය මුළු ඉතිරිය = රු 1,200,000 X 25 = රු. 30,000,000 (කෝටි 3ක්)
මෙම මුදල නිවැරදිව ආයෝජනය කිරීමෙන්, “4% නියමය” (4% Rule) අනුව ඔබගේ මූලික ප්රාග්ධනය ආරක්ෂා කරගනිමින් වසර 30කට අධික කාලයක් ජීවත් වීමට අවස්ථාව සැලසෙයි.
- ජීවන වියදම සහ උද්ධමනය (Cost of Living & Inflation)
ඉක්මනින් විශ්රාම යාමේදී ඇති ප්රධානතම අභියෝගය වන්නේ ඉහළ යන ජීවන වියදමයි. නවසීලන්තය වැනි රටක වුවද රක්ෂණ ගාස්තු, නිවාස නඩත්තු වියදම් සහ සෞඛ්ය වියදම් වසරින් වසර ඉහළ යයි.විශ්රාම සැලසුම් සකස් කිරීමේදී අද පවතින මිල ගණන් වලට වඩා, තව වසර 10කින් හෝ 20කින් භාණ්ඩ හා සේවා වල මිල ඉහළ යා හැකි අගය (Inflation) පිළිබඳව අවධානය යොමු කිරීම අත්යවශ්ය වේ.
- රජයේ විශ්රාම වැටුප් මත පමණක් යැපීම ප්රමාණවත්ද?
බොහෝ රටවල රජයේ විශ්රාම දීමනා (උදාහරණ ලෙස NZ Super) හිමිවන්නේ නිශ්චිත වයසකදීය (සාමාන්යයෙන් අවුරුදු 65). ඔබ වයස 45 හෝ 50 වැනි මධ්යම වයසේදී විශ්රාම ගැනීමට බලාපොරොත්තු වන්නේ නම්, රජයේ දීමනා ලැබෙන තෙක් ජීවත් වීමට ඔබ සතුව පෞද්ගලික ඉතිරිකිරීම් හෝ ආයෝජන තිබිය යුතුය.
- ඔබේ ජීවන රටාව තීරණාත්මක සාධකයකි.
විශ්රාම දිවියට අවශ්ය මුදල පුද්ගලයාගෙන් පුද්ගලයාට වෙනස් වන්නේ ඔවුන්ගේ ජීවන රටාව අනුවයි:
👉🏻සරල ජීවන රටාව: තමන්ගේම නිවසක් හිමි, චාම් ජීවිතයක් ගත කරන අයෙකුට සාපේක්ෂව අඩු මුදලක් ප්රමාණවත් වේ.
👉🏻සුඛෝපභෝගී ජීවන රටාව: නිතර සංචාරය කරන, උසස් ජීවන තත්ත්වයක් අපේක්ෂා කරන අයෙකුට විශාල මූල්ය සංචිතයක් අවශ්ය වේ.
- සාර්ථක විශ්රාම ගැන්වීමකට මූලික පියවර 5ක්!
ඉක්මනින් විශ්රාම යාම සිහිනයක් පමණක් නොව සැබෑවක් කර ගැනීමට නම්:
✅ණය වලින් නිදහස් වන්න: විශ්රාම යාමට පෙර සියලුම බැංකු ණය සහ ක්රෙඩිට් කාඩ් පියවා අවසන් කරන්න.
✅නිවාස හිමිකම: තමන්ගේම නිවසක් තිබීම විශ්රාමික වියදම් විශාල ලෙස අඩු කරයි.
✅විවිධාකාර වූ ආයෝජන: බැංකු තැන්පතු වලට පමණක් සීමා නොවී කොටස් වෙළඳපොළ, නිශ්චල දේපළ වැනි අංශවල ආයෝජනය කරන්න.
✅හදිසි අරමුදලක්: අනපේක්ෂිත රෝගාබාධ හෝ වියදම් සඳහා වෙන්වූ අරමුදලක් පවත්වා ගන්න.
විශ්රාම යාම යනු ජීවිතයේ අවසානය නොව, එය හුදෙක් නව ආරම්භයකි. ඒ සඳහා “එකම අගයක්” නියම කළ නොහැකි වුවද, නිවැරදි සැලසුමක්, දිගුකාලීන ඉතිරිකිරීමක් සහ යථාර්ථවාදී බලාපොරොත්තු ඇති කර ගැනීමෙන් ඔබටත් ඉක්මනින් මූල්ය නිදහස උදාකර ගත හැකිය.
මෙම වාර්තාවේ දැක්වෙන කරුණු ප්රායෝගිකව සැබෑ කරගත හැකිද යන්න පිළිබද දැනටමත් විශ්රාම සුවයෙන් පසුවන වැඩිහිටි පරම්පාරාවට බොහෝ අත්දැකීම ඇති. ඔබේ වටිනා උපදෙස් අප සමග බෙදාගන්න. එය අලුත් පරම්පරාවට උදව්වක් වෙයි.
0 Comments