ප්‍රකට ‘Megaupload’ වෙබ් අඩවියේ නිර්මාතෘ, ප්‍රකෝටිපති Kim Dotcom ඇමරිකා එක්සත් ජනපදයට පිටුවහල් කිරීමට එරෙහිව ඉදිරිපත් කළ නවතම අභියාචනය නවසීලන්ත අභියාචනාධිකරණය විසින් ප්‍රතික්ෂේප කර තිබේ. කෙසේ වෙතත්, වසර 14කට අධික කාලයක් තිස්සේ ඇදී යන මෙම දැවැන්ත නීතිමය සටන මෙයින් අවසන් නොවන බවත්, එය තවත් වසර පහක් දක්වා පහසුවෙන්ම ඇදී යා හැකි බවත් නීති විශේෂඥයෝ පවසති.
නවසීලන්ත මුදල් හා අධිකරණ අමාත්‍ය පෝල් ගෝල්ඩ්ස්මිත් විසින් 2024 අගෝස්තු මාසයේදී කිම් ඩොට්කොම් ඇමරිකාවට පිටුවහල් කිරීමේ නියෝගයට අත්සන් තැබූ අතර, ඩොට්කොම්ගේ නීතිඥ කණ්ඩායම උත්සාහ කළේ එය අභියෝගයට ලක් කිරීමටයි.
🔴 වසර 150ක සිරදඬුවම් තර්ජනයක්!
කිම් ඩොට්කොම් සමඟ මෙම වංචාවලට සම්බන්ධ වූ අනෙක් පුද්ගලයන් දෙදෙනා නවසීලන්තය තුළදීම වරද පිළිගෙන වසර 3කට අඩු කෙටි සිරදඬුවම් ලැබූහ. නමුත් කිම් ඩොට්කොම්ව ඇමරිකාවට රැගෙන ගියහොත් එහිදී ඔහුට එරෙහිව ඇති මූල්‍ය වංචා, කන්ඩායම්ගත අපරාධ සහ ප්‍රකාශන හිමිකම් උල්ලංඝනය කිරීම් (Copyright Infringement) යටතේ වසර 30 සිට 150 දක්වා ජීවිතාන්තය දක්වා වූ සිරදඬුවමක් ලැබීමට ඉඩ ඇති බව ඔහුගේ නීතිඥවරු තර්ක කරති.
නමුත් අභියාචනාධිකරණය එම තර්කය බැහැර කරමින් ප්‍රකාශ කළේ ඇමරිකානු අධිකරණ පද්ධතිය තුළ දඬුවම් ලිහිල් කිරීමේ ක්‍රමවේද පවතින බැවින් ඔහුව පිටුවහල් කිරීමේ වරදක් නොමැති බවයි.
🔴 ඩොට්කොම්ගේ මීළඟ පියවර කුමක්ද?
මෙම තීරණයෙන් කිම් ඩොට්කොම් පසුබැස නැත. ඔහුගේ නීතිඥ කණ්ඩායම වහාම ක්‍රියාත්මක වී නවසීලන්ත ශ්‍රේෂ්ඨාධිකරණය වෙත නවතම අභියාචනයක් ඉදිරිපත් කිරීමට සූදානම් වේ. නීති විශේෂඥයන් පවසන්නේ මෙම අභියාචනා සහ නීතිමය ක්‍රියාවලීන්හි ඇති සංකීර්ණත්වය හේතුවෙන්, 2012 වසරේදී සන්නද්ධ පොලිස් වැටලීමකින් ආරම්භ වූ මෙම සුප්‍රසිද්ධ නඩුව අවසන් වීමට තවත් වසර 5ක් පමණ ගතවනු ඇති බවයි.
0 Comments