නවසීලන්තයේ Auckland නුවර උදෑසන කාර්යබහුල වේලාවේදී මෝටර් රථයක් පැහැරගනිමින් පාපැදිකරුවන් පිරිසක් යටකර ධාවනය කළ පුද්ගලයෙකු අත්අඩංගුවට ගැනීමට පොලිසිය සමත්ව තිබේ. මෙම බරපතල හිංසනකාරී ක්‍රියාව අතරතුර මෝටර් රථයට යටවීමෙන් සුරතල් බලු පැටවෙකු මියගොස් ඇති අතර පාපැදිකරුවන් ඇතුළු පුද්ගලයින් පස්දෙනෙකු තුවාල ලබා ඇති බව වාර්තා වේ.
සිද්ධිය සැලවූ වහාම මහජන ආරක්ෂාව තහවුරු කිරීම සහ සාක්ෂි රැස්කිරීම සඳහා පොලිස් කණ්ඩායම් වහාම ක්‍රියාත්මක වී එම ප්‍රදේශයේ ප්‍රධාන මාර්ගයක් තාවකාලිකව වසා දැමීමට කටයුතු කළේය. පොලිසිය විසින් සිදුකළ ක්ෂණික මෙහෙයුමකදී සැකකරු අත්අඩංගුවට ගත් අතර, මෙම මාර්ගය හදිසියේ වසා දැමීම හේතුවෙන් උදෑසන කාලයේ අවට විකල්ප මාර්ගවල දැවැන්ත වාහන තදබදයක් හටගත්තේය. තත්ත්වය පාලනය කිරීමෙන් පසු රථවාහන ධාවනය යථා තත්ත්වයට පත් කිරීමට බලධාරීන් කටයුතු කර ඇති අතර, අත්අඩංගුවට ගත් සැකකරුට එරෙහිව ඉදිරි නීතිමය පියවර ගැනීමට නියමිතයි.
0 Comments