නවසීලන්තයේ වැඩිහිටි ජනගහනය ශීඝ්රයෙන් ඉහළ යාමත් සමඟ ඇතිවී තිබෙන මූල්ය අර්බුදයට විසඳුමක් ලෙස, වැඩිහිටි රැකවරණ පද්ධතියේ (Aged care sector) දැවැන්ත වෙනසක් කිරීමට මෙරට රජය සූදානම් වෙයි. දැනට පවතින ක්රමය යටතේ යම් පුද්ගලයෙකුගේ පෞද්ගලික වත්කම් නියමිත සීමාවකට වඩා අඩුවූ විට රජයේ සහනාධාර හිමිවන නමුත්, පිරිවැය ඉහළ යාම හමුවේ වැඩිහිටි සුභසාධන මධ්යස්ථාන පවත්වාගෙන යාම දැඩි අභියෝගයක් වී තිබේ. මෙම නව යෝජනාවලියට අනුව, වැඩි වත්කම් සහ ඉහළ ආදායම් සහිත ජ්යෙෂ්ඨ පුරවැසියන්ට තමන්ගේ දෛනික නඩත්තු සහ රැකවරණ සේවා සඳහා වැඩි පිරිවැයක් දැරීමට සිදුවනු ඇත.
මේ හරහා රජයේ සහනාධාර සැබවින්ම අසරණ සහ අඩු ආදායම්ලාභී වැඩිහිටියන් වෙත ලබාදීමට මෙන්ම, ක්ෂේත්රයේ ගුණාත්මකභාවය ඉදිරියටත් පවත්වාගෙන යාමට අපේක්ෂා කෙරේ. මෙම නව සංශෝධන සම්බන්ධයෙන් ක්ෂේත්රයේ නියෝජිතයන් සහ සෞඛ්ය බලධාරීන් අතර දැනටමත් සාකච්ඡා ආරම්භ වී ඇති අතර, මධ්යම ආදායම්ලාභී විශ්රාමිකයන් අසාධාරණ ලෙස අපහසුතාවයට පත්නොවන පරිදි සුදුසු ක්රමවේද සකස් කිරීම කෙරෙහිද අවධානය යොමුවී ඇත. මෙම තීරණය ඉදිරියේදී නවසීලන්තයේ වෙසෙන බොහෝ ජ්යෙෂ්ඨ පුරවැසියන්ගේ මූල්ය සැලසුම්වලට සෘජුවම බලපානු ඇත.
0 Comments